星格BOSS︳湯怡無懼第5波疫情荃灣開餅店 身邊人話勇：無人知將來係點

湯怡去年2月同麥秋成奉子成婚，6月誕下寶貝女「麥QQ」麥紫喬，人生展開另一頁。湯怡升呢做媽媽後並沒有放棄事業，不單止想做個稱職的太太，還想擁有自己的品牌生意，今年2月無懼疫情爆發第5波，在荃灣區開餅店做老闆。

同場加映：河國榮來港35年最愛香港人 面對逆境：一定有明天嘅！

{{hket:ul-video id="5501"}}{{/hket:ul-video}}

湯怡接受無綫訪問時表示：「好多人都會覺得我好勇，就喺一個疫情啱啱開始時間去開店，其實我想開店係上年5、6月嘅事，嗰時我佗BB佗到去後期、開始好攰；到6月中生咗小朋友，跟住佢開始大，我所有時間畀晒佢，真係呢幾個月先至有番自己時間，真係要逼住自己開舖。因為覺得唔可以再拖，就算我知道疫情開始時我係有猶豫，但係覺得唔知疫情發展如何，如果疫情亦係好嚴重，當然而家係好嚴重，無人知將來係點，所以就逼住自己要快啲去行呢件事，都好感恩喺呢個疫情期間生意都不錯，好多謝大家嘅支持。」

{{hket:inline-image name="yuenkaka_159296370_131472642229479_1146953855855826151_n.jpg"}}{{/hket:inline-image}}

{{hket:inline-image name="yuenkaka_260333200_312851970646361_4171049190342650590_n.jpg"}}{{/hket:inline-image}}

至於當上老闆娘後又如何兼顧幕前工作同湊女方面？湯怡話：「呢行有時拍戲拍劇一開始之後就可能要2、3個月，甚至3、4個月時間，而家有咗小朋友之後，差唔多所有時間畀晒佢，有埋餅店就要安排得好好，盡可能自己瞓少啲，有時早啲起身做晒自己啲嘢，到小朋友起身就陪佢，跟住時間就搞餅店，當然拍戲拍劇時間就首要畀事業，所以呢個對我都幾大難度，惟有就係犧牲自己時間，瞓少啲。」

麥秋成被網民指偷食｜湯怡高EQ回應被質疑「扮幸福」 「作為演員我係要研究一下點扮」【下一頁】

湯怡向來鍾意做運動，在社交平台不時見她的行山照片，餅店選址荃灣為她亦帶來一個方便，「餅店喺荃灣又有海濱長廊，發現後山可以行山或者跑步，呢個對我嚟講係幾方便，有時星期一至三會返嚟門市，可能抽一段時做完呢度嘅嘢，之後就可以去做運動，真係一舉兩得。因為疫情真係無乜聚會，多數會留喺屋企，但有時都需要吸啲新鮮空氣，所以除咗返餅舖外，就可以去後山跑步做運動。」

（↓點擊圖片放大↓）

問到老公麥秋成有否幫手？湯怡表示：「梗有，老公一定要幫手，呢個一定要，同埋佢都有幫手。呢個係好開心，好多媽媽覺得另一半唔識湊，好開心就係佢只要一得閒，就會返屋企陪個女，陪佢玩、沖涼或者餵佢食嘢，呢個真係幫輕咗我好多。」其實餅店上月開張當日，湯怡做生招牌在網上宣傳外，亦有隔空多謝老公，「終於來到今天了！我餅店@kakachevee soft opening的好日子，從腦子裏的構思到眼前的實體店，要謝謝先生@mcshing（麥秋成）的支持和大大力的幫助。芝士蛋糕是我最喜愛的甜品，由一個吃芝士會吐的人，到勇於吃進口還說好吃，是一大的成功與滿足感。現在才是一個開始，我會努力，大家來荃灣的話，記得到南豐紗廠支持我啊，作為店長的我，會親自為你服務。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】