年輕人清談節目《不正常愛情研究所》由黃紫恩、吳兆麟、胡敏芝、麥惠琪和文頌男主持，不免提到愛情事，昨晚一集大派花生，圍繞出軌話題以及「捉姦攻略」。眾人訴說自己或朋友的捉姦經歷。文頌男（Koba）提到好朋友的女友經常借故去酒吧消遣，友人透過「安心出行」程式查出女友出軌，雖然戴綠帽，卻感飄飄然而威水，事關對方是「出名男歌手」。花生一派，其他主持人立即起哄。
同場加映：《空肚講宵夜》三周年丨「八婆」成陳俞希代名詞人人恨要 蔡瀚億梁祖堯感恩觀眾睇得開心
半小時節目，輪流發言，文頌男爆料，好朋友的女友經常去酒吧玩，笑言︰「有日我嘅男性朋友檢查女友『安心出嘢App』，女方每次聲稱去酒吧，其實係去某酒店......男友人就跟蹤佢啦，發現去咗酒店。我朋友打電話搵女友，話去接佢，女仔想耍佢佢......我朋友一直喺酒店樓下等，等到見到女友拖住另一個男仔出嚟，女方立即鬆手，然後介紹番係佢男朋友。」場面十分尷尬，繪聲繪影，十分有「畫面」。
叱咤樂壇頒獎禮│Anson Lo想去醫院探李啟言被拒 首開腔：繼續關注比我哋心情重要【下一頁】
叱咤我最喜愛的男歌手丨張敬軒再度單挑MIRROR四子 MC助手熱心拉票造成反效果？【下一頁】
文頌男稱，男友人戴綠帽，但不怒反而開心：「佢反而覺得好威水，因為嗰個人係好出名嘅男歌手。」花生已準備就緒，其他主持人立即起哄競猜，不到數秒，有人立即估到，但無開名，「我知！兩個字嘅。」講啲唔講啲，十分吊人胃口。黃紫恩爆seed：「我知！兩個字，係英文字母。」大家似懂非懂的不斷狂笑，文頌男知驚說：「我唔再講喇！驚收律師信。」
節目播出，網民不停猜測「出名男歌手」是誰，有人離奇拋低一句「行超巿」。而現今當紅的男歌手中，緋聞都並不算多，形象乖乖仔，一味只談工作，似足「異性絕緣體」。
黃紫恩再自爆曾「柯南」偵探上身，「聞到」男友偷食。她表示男友有日問她借相機，隔了一陣子稱要去旅行，當時發覺男友對自己態度亦有轉變，遂查看他的社交平台，見他follow了接近二千人，一望就發現「嫌疑人」，稱︰「當中有個女仔好似我個樣！我直覺覺得有問題，我撳入去睇，佢第一張相就拎住我部相機......我冇拆穿佢哋，隔半年後女方大肚結婚生仔，而我哋都冇再聯絡。」
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
撰文：娛樂組