圓方「聖誕樹屋小鎮」飄雪滙演 消費滿$2000送$2000電子禮券

聖誕節就到，相信好多人都諗緊點樣同親友歡度佳節。黛安收到風，ELEMENTS圓方由即日起至下月2日，會喺金區中庭設「聖誕樹屋小鎮」，當中最奪目嘅打卡位，當然係6米高嘅聖誕樹，仲有小樹屋同雪白馴鹿，每日中午12時至晚上9時半，更會每半小時進行一場飄雪滙演，聖誕氣氛滿瀉，聖誕老人更會逢周日同公眾假期於指定時間驚喜亮相。

公關姊妹仲同黛安講，多間學校、音樂同跳舞學院亦會先後獻出以佳節為題嘅歌舞表演，除夕前後更有雜技表演，真係唔可以錯過呀！另外，商場由即日起推出「Time to Celebrate Together消費獎賞」活動，即日起至元旦期間，顧客如以指定電子貨幣喺場內指定時尚服飾商戶，單一消費滿$2,000，即可享總值$2,000電子禮券獎賞，而單日買滿$1萬就可回贈$5,000禮券，同日買夠$6萬就可享總值$4萬獎賞，如果憑東亞銀行信用卡買嘢就再送$1,800禮券㗎，黛安都要計下點樣買嘢先最抵。