蘇施黃首次化療後狂嘔兼確診 仍不及當年類風濕關節炎痛苦

67歲的蘇施黃（阿蘇）今年10月在YouTube頻道「教煮蘇 This is So good」拍片分享，自爆患上大腸癌三期，她積極面對病情並接受手術，但手術後為安全計，仍要接受四次化療。一向為食的蘇施黃坦言最怕面對是化療的反應，而她化療前後都有拍片分享感受和獨特的「病人餐」，不少網友都大讚她思想積極正面，兩度患癌的她直言今次原來並不是人生最痛苦的時刻。

同場加映：岑麗香獲大仔英雄救美讚Man爆 未敢再生B：怕自己處理唔到

{{hket:ul-video id="7102"}}{{/hket:ul-video}}

蘇施黃患大腸癌三期手術後食好西 「之後化療應該冇得咁得戚」【下一頁】

{{hket:inline-image name="So1.jpg"}}{{/hket:inline-image}}

阿蘇表示接受第一次化療的「滴藥」過程非常順利舒服，不過完成後回家第三日就不斷出現嘔吐，「食少少嘢落去，好似控制唔到咁湧上嚟！醫生開咗止嘔藥畀我，但完全唔開胃，只係想食湯嘅嘢，煲石祟魚湯同雪梨水飲。呢兩星期唔易捱，因為食唔到嘢，我咁鍾意食嘢，特別鍾意食飯，但見到飯一啲都唔想食！」

阿蘇指其實有一個秘密沒有公開，口服化療期間不幸確診新冠肺炎，她表示沒有外出，只能「賴」落金燕玲身上。金燕玲同樣確診，並咳得非常厲害，但阿蘇病徵反而不算明顯。「呢件事係一個意外驚喜，第一次化療時免疫力冇得低，之後第三、四次免疫力更低，咁而家中完之後就唔使咁驚囉，又唔使畀壓力金小姐同工人唔准佢哋出街，都未嘗唔係一件好事，感謝主。」

蘇施黃試生酮飲食餐單7日減4磅 非為減肥望舒緩關節炎症痛楚【下一頁】

阿蘇坦言今次化療暫時不算辛苦，她認為上天是有特別的安排。她回憶人生最痛苦的時候反而是拍攝TVB飲食節目《蘇GOOD》的時候，當時類風濕性關節炎情況最嚴重，「成個人唔可以瞓低，平時瞓覺只能夠挨住瞓，挨得耐又會痛醒。當時忙又工作多，唔夠瞓加上手腳都痛，腳甚至痛到行唔到，放落地都痛，連扭門、『撻』車、揸筷子等都做唔到，好彩好忙應付工作唔得閒去理個痛，時間就咁過去。」她形容當時痛苦的時間不容易過，長達4至5年，相比現時化療的副作用，現在承受的只是皮毛。「當你受過更大的苦，就覺得眼前對我嚟講冇乜嘢，希望順利過度四次治療，同樣病嘅人，跨過呢步之後，仲有咩難呢？」

{{hket:inline-image name="hbasbdb.jpg"}}{{/hket:inline-image}}

阿蘇認為在病塌時要保持熱誠，雖然胃口差對任何食物都沒有追求，心情就會差，她反而會努力思考想食甚麼，盡量滿足自己，就不會陷入生病的痛苦之中。

蘇施黃YouTube「教煮蘇 This is So good」：https://www.youtube.com/watch?v=qEXrICZu3ic

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：楊安莉