蘇施黃爆喊嘆政府高官沒體察基層 「佢哋對付嘅唔係病毒而係人」

由於Omicron病毒個案大增，政府昨晚宣布收緊防疫政策，包括所有食肆晚市禁堂食、大型活動取消、戲院、健身室和美容中心等都要關閉等，不少市民都叫苦連天。娛樂圈同樣大受影響，張敬軒演唱會、黃子華與潘燦良舞台劇、RubberBand戶外音樂會等等都全部都要宣布延期，多部電影被迫煞停上映計劃，多災多難。蘇施黃在她的YouTube Channel拍片分享今次政府再收緊防疫政策的感受，她以「親愛的香港政府…你是否在等所有疫情完全消失呀？」為主題：「親愛的香港政府，你又去禁乜禁物…唔好講好多店舖都執咗笠，你知唔知我哋都就嚟瓜老襯嘞。」

同場加映：【叱咤後台訪問】Anson Lo@MIRROR直言被林海峰嚇親 張敬軒票數輸姜濤心服口服

{{hket:ul-video id="5021"}}{{/hket:ul-video}}

教煮蘇 ｜蘇施黃唔教煮餸教零成本美容 剩係洗個臉都要用成45分鐘？【下一頁】

{{hket:inline-image name="so2.jpg"}}{{/hket:inline-image}}

阿蘇直言以往甚少公開討論政府的政策，因為自己也管不了自己，何以批評管理幾百萬人的人或組織，但苦惱都往肚子吞。「我係想問親愛嘅香港政府，你喺度等緊乜呢？我有少少感覺佢唔係對付緊疫情，係對付緊我哋！」阿蘇認為抗疫兩年多時間，市民已經學會跟病毒共存，就算有時候忘記戴口罩或者戴得不好，市民之間都會提醒，做得非常好。「由致死的病毒已轉成較溫和的，傳播性的確威力好大，但你又將啲嘢關晒，留晒人喺屋企，我有感冒都唔會出街啦，就算出當然會傳染其他人，但唔會攞你命，到底有咩辦法阻止疫情呀呢？既然病毒弱咗啲，唔入肺只係流鼻水咁，政府走去閂晒所有嘢，我想理解下點生存呢？」

阿蘇稱同情又一城望月樓食肆的侍應，明明確保食客打好針、做好「安心出行」，但怎會想又有人「偷走」出來，怪只怪政府和國泰監管有漏洞。「我平時好叻鬧人，但對自己唔摸得清嘅事，唔會掰大個口嚟鬧你！可唔可以話畀市民聽要等到幾時？全世界都未諗到有咩藥物對付變化萬千疫情，事實證明打針已經防唔到Omicron啦，仲強調打針做乜鬼？根本就冇用，打針都會中！」

{{hket:inline-image name="so1.jpg"}}{{/hket:inline-image}}

{{hket:inline-image name="102464038_2930631127057981_1352057805019807744_n.jpg"}}{{/hket:inline-image}}

多圖︱蘇施黃 金燕玲2,500呎豪宅曝光 專業級巨型廚房設備齊全勁過食肆【下一頁】

阿蘇指市民被政府的政策逼到透不過氣，封東封西但每月賬單、租金及電費都要繳交，生存已經成問題。她憶起在電台時期問大家如果有500蚊會點用，沒想到有長者來電稱想出街食飯，最終有善長捐出十萬元，派給節目中的公公婆婆每人500元，最終婆婆感激阿蘇及善長，因為丈夫跌倒要醫藥費，她幾乎連租金都交不出，幸得500蚊急救。阿蘇提到這個個案時都忍不住激動落淚，「你明唔明我哋唔係好似政府官員咁坐喺度有糧出，有啲高官要去銀行拎現金，真係辛苦晒你哋...你哋可能高高在上，真係唔了解大家可能100、500蚊對普通市民都好重要。」

阿蘇形容政府政策毫無遠見及計劃，「高官同好多人屋企賓妹冇分別，你只要讚佢牛肉通菜好食，你將會得到連續40日食牛肉通菜。你一本通書睇到老，真係會死得人，求吓大家，香港政府所有高官，用吓你個腦筋體切民情，大家過得好辛苦，我哋唔係坐喺度有人出糧畀我哋，我哋係要出去撲錢呀！」

{{hket:inline-image name="56980694_2110268992427536_5977120400306339840_n.jpg"}}{{/hket:inline-image}}

{{hket:inline-image name="52706404_2048101565310946_7997778160886218752_n.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉

{{hket:inline-image name="af67c90a-3b52-4522-9e3d-e5d0b6987ef3.jpg"}}{{/hket:inline-image}}

{{hket:inline-image name="8b77edc5-7914-4c3f-bbb1-1faaffd3a3cc.jpg"}}{{/hket:inline-image}}

{{hket:inline-image name="e4356b4d-c11e-41a6-bdd9-a9e3ca2efe9d.jpg"}}{{/hket:inline-image}}