圓方「聖誕樹屋小鎮」 6米高聖誕樹下賞飄雪

為咗迎接聖誕節，各大商場都花盡心思。公關姊妹話，ELEMENTS圓方由即日起至明年1月2日，會喺金區中庭打造閃亮耀眼嘅「聖誕樹屋小鎮」，6米高嘅聖誕樹布滿洋溢窩心暖意嘅小樹屋，每日中午12點至晚上9點半，每半個鐘會進行一場飄雪滙演，為商場營造滿滿嘅聖誕氣氛。

去到圓方當然唔少得掃貨啦，黛安知道，即日起佢哋仲會推出「消費獎賞及東亞銀行額外消費獎賞」，顧客以指定電子貨幣喺場內嘅時尚服飾商戶，單一消費滿$2,000即享總值$2,000獎賞，消費滿指定金額更可獲總值高達$40,000獎賞。東亞銀行信用卡人更可額外獲最高$1,800獎賞㖭。此外，仲有多個時尚品牌進駐圓方，包括Hermès旗下法國皇室水晶品牌SAINT-LOUIS、瑞士頂尖鐘錶品牌deLaCour等。