超能使者丨陳展鵬超強演繹穿插現實與幻覺 唐詩詠被追問有冇醫埋佢精神病

劇集《超能使者》這星期掀起高潮，先是網友們開始發現不少蛛絲馬跡，估計到原來阿年（陳展鵬飾）的家人並非真實存在，直至昨晚終於揭盅，原來阿年的溫馨幸福家庭全是他的幻覺，因他患上精神病但中途斷藥，令幻覺的情況越來越嚴重。直至昨日，阿年因不斷收到情夫Stanley（郭子豪飾）所發跟他太太阿敏（劉佩玥飾）出軌的照片，令阿年情緒大崩潰。

同場加映：忽然心動丨AK稱單身太耐拍感情戲硬晒軚 白只讚演技不幼嫩：觀眾會驚喜

{{hket:ul-video id="6977"}}{{/hket:ul-video}}

《超能使者》劇透︳陳展鵬喪失鬥志瞓街食地下飯 唐詩詠跌落街唔使死逼出新招？【下一頁】

{{hket:inline-image name="OI.jpg"}}{{/hket:inline-image}}

陳展鵬今集演繹阿年的情緒起伏，游走在現實和幻覺之間，又悲又喜的心情，表現得相當到位。不少網友都大讚是視帝級的演技示範，更有人大讚陳展鵬喊到眼腫流晒鼻涕，牽動觀眾都進入他的情緒之中。「陳展鵬飾演精神分裂演得好好」、「陳展鵬演得好好，尤其佢差D（啲）用刀拮死佢老婆個幕，雙眼通紅但帶淚，表達出恨與痛。」、「陳展鵬同唐詩詠演技真係有料到！大讚」等等。陳展鵬表示從未試過拍戲拍到崩潰要「逃走」：「有幾場戲我拍完係要走出去，好似有密室恐懼咁，直頭演到唔舒服想嘔。記得擸刀嗰場，我要唞一個鐘先可以返去繼續拍，好感激同事體諒。嗰段時間都影響到生活，不嬲我條『污水渠』幾暢通，平時收工情緒都OK，但演呢個角色就塞塞哋、抽離唔到，拍思覺失調嗰幾日返去係瞓唔到。」並謂由於角色情緒極端，最大難度是拍完失常戲後、又即要轉換心情拍搞笑戲， 故認為《超能》是其從演以來花最多心力拍攝的劇集。對於近日全城競猜誰是Final Boss， 有網民估貪錢的阿年最終會「變節」，展鵬哈哈笑道：「一個人去到咁偏鋒就咩都有可能， 嚟緊阿年經歷谷底後仲會有個大逆轉！」

另一熱論的話題是劇情交代阿年和Q姨（唐詩詠飾）雙雙墮樓死亡，Ｑ姨花最後一口氣力將阿年救醒，阿年見Q姨為救他而死去，大感痛心疾首大力拳擊地下，激發出他的全新超能力，成功逆轉時空，阿年救起Q姨後立即離開。的確，主角光環暫時沒有人離世，不過引發不少網友不同的疑問。包括Q姨同阿年墮樓的中途，阿年仿如清醒一樣，知道自己所有行為都是幻想出來，是否意味著Q姨牽手的一刻將阿年的精神病都醫好呢？

{{hket:inline-image name="TDGV.jpg"}}{{/hket:inline-image}}

超能使者｜黃庭鋒早已入獄 陳展鵬真係有幻覺 劉佩玥身世今揭盅：終於唔使守秘密【下一頁】

唐詩詠昨晚凌晨時分開直播，對於被問是否醫好阿年的精神病，她說：「呢條問題問得好好喎！我臨死之前都要伸隻手指去救埋佢，你哋睇落去就知呀啦！不過你哋問得呢條問題，真係好叻，我都話而家啲觀眾好叻！」當她被問是否要出席台慶？唐詩詠笑言：「聽日我唔使去台慶嘅，因為都...終於都可以放假喇！」

詩詠坦言由於貓貓銀仔已18歲，深夜12點、2點同4點都要起身餵食，「點解唔放低啲糧？因為另一隻貓蛋蛋會食埋，我又唔忍心分開佢兩個或者閂埋門，做阿媽真係好辛苦。」

{{hket:inline-image name="tong2.jpg"}}{{/hket:inline-image}}

{{hket:inline-image name="tong1.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉