超能使者｜黃庭鋒早已入獄 陳展鵬真係有幻覺 劉佩玥身世今揭盅：終於唔使守秘密

無綫台慶劇《超能使者》昨（17日）晚一集可謂高潮迭起，上半段阿鏈（陳展鵬 飾）與妻子淑敏（劉佩玥 飾）還在拉拉扯扯，淑敏與阿鏈弟弟孝添（黃庭鋒 飾）因物業問題爆發激烈衝突，豈料下半段劇情即驚現兩大轉折位！

{{hket:inline-image name="464.jpg"}}{{/hket:inline-image}}

{{hket:inline-image name="52.jpg"}}{{/hket:inline-image}}

同場加映：忽然心動丨AK稱單身太耐拍感情戲硬晒軚 白只讚演技不幼嫩：觀眾會驚喜

{{hket:ul-video id="6977"}}{{/hket:ul-video}}

首先是到阿鏈屋企黐餐的Q姨（唐詩詠 飾），驚見對方家中空無一人兼阿鏈與「空氣」對話！Q姨再查出阿鏈弟弟孝添，原來早因挪用公款成為階下囚！兩大驚人發現令之前的情節變得「撲朔迷離」。對此不少網民推測阿鏈有精神病，有人甚至估計「黑化」淑敏以超能力令阿鏈產生幻覺。

昨天，官方社交網釋出的預告片，則驚見阿鏈危站天台，對Q姨說：「我知你好有義氣，我唔想連累你，我閃到同你一齊喺呢度跌落去呀……」發展更趨緊湊，引人入勝。監製文偉鴻劇透今晚會有「超能使者」慘死，唔知會唔會係Q姨呢？

昨晚另一高潮位，是淑敏與前度Stanley（郭子豪 飾）於街頭親熱遭阿鏈撞破，惱羞成怒的她竟向阿鏈發爛渣，瘋狂投訴，怪責奶奶（程可為 飾）長期逼她食藥生仔，同時又痛斥老公收入少卻堅持幫細佬還債云云，淑敏一邊哭一邊說：「我出到去畀啲friend笑呀！你有冇諗過我感受呀？我對住你哋成家……真係……真係好辛苦，好大壓力，我真係頂唔順喇！」阿鏈煽風點火，踢爆她曾經墮胎，鬧得很僵，但淑敏還是經不起丈夫一再懇求，暫時擱置離婚念頭。

{{hket:inline-image name="8.JPG"}}{{/hket:inline-image}}

網民看畢劇集，大讚劉佩玥好戲，表示「越來越有戲味，內心戲更佳」、「值得開齣劇畀玥玥」。對於網民正評，她笑言：「聽到大家意見，都鍾意我，好開心，我會繼續努力。」問到要由「模範太太」突變「陰謀人妻」是否很考演技時，她說：「因為唔想做到慘情戲咁，所以一路要壓抑住自己嘅感覺去演，直到最後大爆發宣洩不滿。其實攤牌一幕Jazz（監製文偉鴻）好緊張，好彩有佢同導演，仲有展鵬、郭子豪兩位好對手，所有嘢配合得好好，令我好相信角色嘅遭遇而真心地投入咗。」

對於被指是Final Boss，劉佩玥大賣關子，稱：「好多人問我係咪喺幕後操控阿鏈？我只可以講淑敏唔止係妻子，仲會影響阿鏈將來嘅發展。」續指阿鏈夫婦的驚天大秘密將於今（18日）晚終極揭盅，笑言鬆一口氣：「啲人瘋狂問我角色身世，我把口好密，連爹哋媽咪都冇講，終於好快……唔使守秘密喇！」

超能使者｜劉佩玥黃庭鋒角色並非真實存在？ 網友提五大證據估陳展鵬有幻覺【下一頁】

圖片來源：大會提供