Fit爆聖誕老人齊集iSQUARE 迎世界盃

聖誕節就快到，又係聖誕老人出動嘅時候。黛安收到風，尖沙咀iSQUARE國際廣場今年請咗一班Fit爆嘅聖誕老人，組成「iHO HO HO！精英運動隊」，即日起至明年1月1日會秘密練兵，將節日歡樂帶畀大家。佢哋仲會趁住世界盃開鑼，同得意嘅聖誕鹿夥伴組成「Deer Santa足球隊」切磋球技，大家可以同分布喺商場唔同角落嘅聖誕老人同聖誕鹿打卡合照。

另外，12月16日至28日期間，顧客喺最多兩間唔同商戶同日累積消費滿$800或以上，更可換領以聖誕老人和聖誕鹿為主題嘅限量版食物儲存盒，每日換領數量有限，要換就要趁早喇。iSQUARE亦設計咗一系列WhatsApp Sticker畀大家免費下載，包括9款盞鬼聖誕老人及3款可愛聖誕鹿，充滿節日氣氛。