7CAFÉ+進駐愉景灣7-11 推「本店限定」港式情懷新品

7-11自家品牌7CAFÉ+，向來以創新口味且性價比高而廣受歡迎，黛安覺得佢嘅產品好多元化，包括各款特色沙冰、手搖冰茶、牛角包窩夫、雞蛋仔及新地芭菲等。7CAFÉ+繼於尖沙咀、旺角、中環，分別開設兩間「7CAFÉ+ Always On概念店」及「7CAFÉ+ Pop-up店」後，最近已正式進駐愉景灣，成為首間開設喺7-11便利店內嘅7CAFÉ+，為呢個悠閒嘅離島帶嚟至chill新體驗。

新店更推出一系列「本店限定」新品，將極具港式情懷嘅味道重新演繹，包括黑芝麻糊沙冰及黑芝麻糊特飲，滿滿Ｑ彈涼粉粒嘅椰汁涼粉沙冰、椰汁涼粉特飲及芒果椰汁涼粉新地芭菲，仲有外脆內軟嘅爆餡牛角包窩夫三文治，都會喺新店率先登場。

愉景灣7CAFÉ+仲特設多款套餐優惠，凡購買任何即製美食或烘焙滋味，可以優惠價加配各款飲品，例如加$9可配熱即磨咖啡或鮮檸檬茶系列；加$11可配凍即磨咖啡；加$16更可配沙冰爽或珍珠奶茶或手搖特飲等，好抵啊。