黃祥興一家被疫情阻隔3年冇團聚 媽咪哥哥相擁喜悅眼淚停唔到

疫情下世界各地嘅人口流動性變得非常低，唔少人都因為咁同家人3年以嚟都冇見過面，思念之情難以言喻。藝人黃祥興同家人都被逼分隔兩地，日前佢嘅哥哥終於返到嚟香港團聚，黃祥興仲拍下佢媽媽同哥哥重聚嘅短片，睇到都有啲眼濕濕呀！

同場加映：忽然心動丨AK稱單身太耐拍感情戲硬晒軚 白只讚演技不幼嫩：觀眾會驚喜

{{hket:ul-video id="6977"}}{{/hket:ul-video}}

黃祥興日前post出多張同哥哥嘅合照，佢有一個港男弟弟黃長發相信就係人都知，哥哥相信就係首次曝光！相中見哥哥相當穩重成熟，同黃祥興都一樣幾好樣！黃祥興留言：「三年冇見嘅阿哥, 終於有機會返番嚟香港！ 呢一個疫情令到好多家人都見唔到面, 希望其他地方都陸續開關！ 」黃祥興仲分享一條短片，原來哥哥今次返嚟媽媽事先係唔知道，佢話：「今次最感動喺我媽咪, 去片！」

{{hket:inline-image name="63.jpg"}}{{/hket:inline-image}}

片中媽媽一開始安逸咁坐喺度，一見到大仔先係嚇到彈一彈，之後回過神來馬上笑得好開心，立即上前同大仔相擁，媽媽同哥哥攬住一齊喜極而泣，二人喊到停唔到，哥哥再輕吻媽媽個頭，場面非常溫馨感動。唔少人都留言話睇到喊，仲話想即刻返去攬住媽媽咁話。 

黃祥興父母係越南華僑，5歲時一家人移居法國生活，祥興喺家中掛第二，有一名兄長、一名胞弟（黃長發）和同一名從事教育工作的胞妹。小時候祥興父母忙於與柬埔寨華僑經營小型製衣廠生意，無暇理會子女，所以祥興同哥哥照顧弟妹，佢哋仲要一齊面對校內種族歧視，一邊學習法語，非常刻苦。