一田購物優惠日 逾萬貨品1折起

半年一度嘅一田購物優惠日又到喇！優惠日由下周三（23日）至12月6日舉行，全綫一田百貨及一田超市12間分店、12個特別展場將同步減價，其中一田百貨有過萬件涵蓋衣食住行嘅產品，喺首7日（23至29日）將以低至1折發售㗎。

黛安知道，今次優惠日分4大主題，由外遊產品至家具飲食一應俱全，例如Samsonite、American Tourister等8個品牌逾百款行李喼，以及多款國際廚具品牌均低至1折發售。另外，因應世界盃開鑼，多款影音產品同零食飲品亦會減價，例如6罐裝Asahi Super Dry啤酒只售$39.9、Hisense 2.0聲道soundbar亦低至2折發售。

首個優惠日（23日）早上9至11點係YATA-Fans專屬時段，會員只要上網登記即可優先入場掃貨，並獨享5倍積分、最多額外$600電子優惠券等優惠，黛安都要把握機會去掃貨至得。