超能使者｜沈震軒爆喊全靠波姐帶入戲 演路人出身 體會臨時演員辛酸

無綫台慶劇《超能使者》上集講到威仔（沈震軒 飾）力勸母親梅姐（馮素波 飾）別誤信鳴善大師（魯振順 飾），昨晚（10日）梅姐母子再起爭執，期間爆出威仔多年受冷待的真相，原來梅姐聽從鳴善指示而故意疏遠兒子，以免剋死對方；威仔聞言難過，淌淚兼咆哮：「你從來唔畀我叫你一聲阿媽！我都冇見過你對住我笑，亦都唔畀我關心你，你知唔知我幾辛苦呀……」

同場加映：下流上車族｜鮑起靜樂做銀髮族跟發哥學慢跑 拒跟女兒移民英國與老伴留港度餘生

{{hket:ul-video id="6929"}}{{/hket:ul-video}}

在這段揪心嗌交戲中，沈震軒再次展現層次式喊功，由聽到梅姐一句「佢（鳴善）救過你一命」後啞口無言，再瞬間將抑壓多年的冤屈爆發，到最後聲嘶力竭控訴母親的執迷不悟，全程喊到淚水掛鼻，令不少觀眾都看到眼濕濕！最後梅姐被Elaine（張美妮 飾）「點醒」，驚覺鳴善大師是神棍。母親自責虧欠兒子多年，幸好都能和好如初。

{{hket:inline-image name="210.jpg"}}{{/hket:inline-image}}

為了精益求精，沈震軒透露拍攝當日即使劇組「收貨」，他仍然堅持拍多幾take，他說：「最困難係大部分演員都喺晒現場，都幾好熱鬧，我要好專注先投入到嗰種孤伶伶氛圍。」由於角色身世悽慘，他說喊戲佔其總戲份7成。

問到淚水收放自如妙法，沈震軒指全靠好戲之人波姐助攻。戲外相處培養出如母子般的感情，令他只要一見「媽咪」唔妥即標淚。他又自嘲越大越眼淺，「有時睇笑片，我見到啲唔算催淚嘅窩心位都會感動到喊，同女友睇戲我喊得仲多過佢！」

同時笑指不止網民，就連身邊好友也好奇他有甚麼超能力，「問得最多係我女友，只可以講之後我會好勁，觀眾一定要追睇呀！」

{{hket:inline-image name="75.jpg"}}{{/hket:inline-image}}

沈震軒最近作客陳敏之YouTube節目《chit chat》，二人合作拍攝《使徒行者》而成為好友。期間前者講述他的入行經過。

{{hket:inline-image name="shum2.jpg"}}{{/hket:inline-image}}

早在2005年，沈震軒從加拿回流香港報讀香港演藝人協會演藝班課程，之後參加英皇新秀歌唱大賽及就讀TVB第22期藝員訓練班。他憶述在參加藝訓班之前，去過TVB舞蹈藝員訓練班。「本身想做dancer，入去in完，有兩個排舞師話我個樣都唔差，同時完全冇跳舞功底，不如去參加訓練班。」

陳敏之提到對方初初入行做盡不少沒有發揮的角色，對於沈震軒而言卻不是，他認為有不少表演發揮空間，「我試過喺《回到三國》做4個角色（演過便裝侍衛、曹軍士兵等。咁啱呢齣2012年劇集都有「孫權老母」馮素波、「周瑜之妻小喬」陳敏之），令我對演員呢個工種大開眼界。嗰時TVB無臨時演員，搵咗一堆TVB演員去做。5個演員扮千軍萬馬，喺四方八面衝過嚟，咁我表現慾好強，起勢咁叫，交足表情，喺鏡頭前舞刀弄槍！去到第3個鏡頭，導演就叫我收斂啲，話我太突出！」

做過路人等小人物的沈震軒，好體會到臨時演員的辛酸。「當我見到有臨時演員特別有熱情，會會心微心，好鍾意佢哋。有時見導演鬧臨時演員，叫佢哋醒目啲，其實唔係佢哋問題，我哋演員有劇本，但佢哋無，上到場有時會好不知所措。」

超能使者｜劉穎璇鬧陳山聰要配音口形係xxx仔 字幕竟然出錯 「帶子洪郎」變...【下一頁】

撰文：娛樂組