一連25集無綫台慶劇《超能使者》將接棒《美麗戰場》於10月31日（星期一）起播映，演員陣容包括陳展鵬、唐詩詠、陳山聰、劉穎鏇、林子善、沈震軒、王君馨、劉佩玥、歐瑞偉、張國強、吳家樂、楊卓娜、伍樂怡等。
同場加映：美麗戰場丨劉佩玥唔認嘈圈中揀朋友要挑剔 陳曉華忽略閨密喊住道歉挽回
{{hket:ul-video id="6812"}}{{/hket:ul-video}}
《超能》講述一眾主角如何組成「正義聯盟」，並以超能力對抗邪惡勢力的故事，到底有哪幾位主角擁有超能力、及劇組如何呈現不同的超能力自然是焦點所在。日前官方先後釋出「故事大綱」及「人物介紹」預告片，除了有大量電腦特效（CG）及緊張刺激的動作場面，還披露了展鵬飾演的「骨精年」鍾孝年及詩詠飾演的「電視城Q姨」喬若嵐分別擁有「停頓時間」及「治癒奇能」的超能力，詩詠展現異能時，頭髮及雙眼更會齊齊變「紅」。展鵬則以久違的「市井」Style 演繹「骨精年」，貪錢得嚟相當搞笑，甚有新鮮感。
為加強真實感，監製文偉鴻（Jazz）摒棄全CG後製，不惜工本以實拍為主，並以電腦動畫輔助，令前期拍攝及後期 Workload 倍增，最終耗時15個月完成後期製作，更用了逾1,800 個 CG 鏡頭，足見《超能》製作認真。Jazz率先拆解主角穿梭「時間停頓空間」之謎，原來除了要靠高速攝影機進行拍攝，還需演員們「自主 Fast Forward（快鏡）」予以配合，令影片調回「正常速度」後才更自然：「我哋以高速攝影機捕捉演員嘅慢動作去展現『靜止』狀態，而要喺Freeze世界裏面遊走嘅詩詠同埋展鵬，無論動作或者對白都要用2至4倍速度去做，所以個個拍嘅時候都好搲頭。其實演員同幕後都花咗好多時間排練，實拍時先有咁完美嘅效果。」
提到首度嘗試「自主Fast Forward」，展鵬認為開心好玩又極具挑戰性，比拍武打戲更攰，加上要極速做出連串動作，又要配合對手、攝影師及推車軌，以達到同步完成目標，所需「體力」及「腦力」絕不惹少：「要令畫面調回正常速度後效果自然，表情動作都唔可以太肉緊、唔可以眨咁多眼。最難係有時拍近鏡，講嘢大聲啲都會吹郁對手啲頭髮，所以要大聲得嚟唔噴氣。同啲物件擦身而過時唔可以郁到佢，要走到無風無聲咁，因為聲音會引起好輕微嘅震動，所以每次拍完都要一齊睇吓有冇嘢郁，唔係誇張，真係好考功夫。」
至於詩詠則笑指監製「搞著台前幕後」，她笑言：「除咗加速講嘢，仲要夾番個樣，今次演戲要配合CG同埋好多其他嘢，每日都好似學緊新技能咁。」雖然是次「實肉」打鬥戲份較少，但詩詠指《超能》是其從演以來拍得最辛苦劇集：「每日開工個情緒起伏好大，拍完呢套我好攰，我簡直係耗盡咗200分精力同體力去做，拍完成個人虛脫咁滯。」
無綫55周年台慶亮燈丨陳瀅超性感谷劇否認大牌推Job 唐詩詠暗認離巢：拎唔到20年金牌【下一頁】
圖片來源：大會提供
撰文：娛樂組