《東張西望》一連兩晚報道31歲女健身教練Kit中風後身體半癱，加上失去語言能力，而入住護老院生活。未婚夫Ron對她不離不棄，同時Kit出事之後的所有津貼、保險賠償，全歸Kit的媽媽手上。Ron有感長貧難顧，希望Kit媽媽把津貼的錢用在女兒的身上，可惜不得要領。昨晚一集《東張》主持吳幸美登門造訪Kit媽媽，了解對方點解唔理個女。
同場加映：下流上車族｜鮑起靜樂做銀髮族跟發哥學慢跑 拒跟女兒移民英國與老伴留港度餘生
東張西望丨31歲女健身教練中風半癱失語 疑遭媽媽虧空殘津 未婚夫不離不棄【下一頁】
吳幸美在鐵閘前追問Kit媽媽見到囡囡情況，心情如何？她以不純正的廣東話回應：「心情梗係難過，唔使講呀！經歷咁樣嘅打擊，你話係唔係？本來好好哋，點解唔舒服？係諗唔到吖嘛！」Kit媽媽坦言不去探望女兒是因為每日都要工作，亦承認從沒幫忙帶女兒去醫院複診，全部都由Ron一手包辦。
提到Kit需要50萬再次接受手術將頭蓋骨復原，問到是否願意畀錢？Kit媽媽竟然答：「要我畀？咁都要考慮一下！我要退休喇，都要用錢！政府話65歲退休，我60歲而家退，5年生活費仲要自己承擔，未必幫到佢。（你唔幫佢邊個幫？）佢自己冇錢咩？佢自己錢我唔知，佢同男友一齊生活差唔多4、5年，佢銀行戶口有幾多錢我都唔清楚，佢而家已經成年喇，踏入社會好多年，係咪？又唔係同我一同生活，我點樣承擔？」至於拖欠院舍費用，Kit媽媽將責任推卸到保險公司，指保險經理跟她講有20萬賠償，但斷供已經無法安排賠償。
東張西望│吳幸美天不怕地不怕成正義Icon 孝順女憶喪父灑淚：佢以我為榮【下一頁】
當幸美問到是否考慮將傷殘津貼交還女兒作養病之用，Kit媽媽突然邀請攝製隊進入屋內，她激動拎住小夾萬將錢交畀Ron，堅持要對方寫上收據，十分均真。「我自己有錢，大把錢，我唔使佢養我！養我？而家反轉係我養佢喇！仲養佢？我而家冇錢生活！」Ron提到Kit做完頭蓋骨復位手術就出院，是否會安排女兒回家？Kit媽媽即時激動說：「咁你想點？你而家麻煩到我！你知唔知道？由於你照顧不當，搞到我咁麻煩，心都碎喇，真係晴天霹靂！」Ron無奈只能道歉，Kit媽媽認為照顧女兒的責任應該在Ron身上，而非她，「佢哋一齊都5年啦！（但你同個女廿幾年！）係廿幾年，都養到咁大啦！」
Kit媽媽坦言跟女兒關係麻麻，近年分開住，本身都有畀500蚊家用，她都會煮飯畀個女食，但自從阿女識咗男朋友之後，「錢都唔畀，咩都唔畀！佢有男朋友就肯定冇我！我唔理人哋講乜嘢，總知我覺得自己冇做錯到！我願意接受個女，願意照顧佢一生一世！」
事件未算圓滿解決，慶幸的是Ron對Kit不離不棄，感動不少觀眾和網友，Ron說：「以前生活上都係Kit照顧我，我病咗佢都照顧我，而家佢病咗，就輪到我照顧佢囉！」Ron最希望爭取到監護權，每月花費8,000元生活，不少網友替Kit感到不值，紛紛湧入她的IG留言，祝福她早日康復！她的健身學生甚至表示︰「期待再上你嘅健身課！」
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
責任編輯：楊安莉