裕民坊玩樂聖誕 設8大趣拍區 分享Pocky相至社媒贏獎品

就快到聖誕喇！黛安收到風，知道YM²裕民坊喺本月25日至明年1月2日期間，聯乘日本殿堂級零食品牌Pocky，舉辦「裕民FUN享玩樂聖誕」Share Happiness主題活動，特設8大主題趣拍區，包括超巨型紅色Pocky打造的鏡房「Pocky魔幻盒」，打卡一流，仲有5米高LED屏幕「Pocky聖誕跑道」，一齊預備過一個歡樂聖誕啦。

聽公關姊妹講，場內更設有3大主題遊戲互動區，包括「Pocky競技場」，考各位嘅眼界和身手，一眾零食迷亦可以去「Pocky設計廊」，欣賞多年嚟嘅經典Pocky盒子。

另公關話，Pocky及百力滋今年特意推出「Pocky Photo Fun Challenge」，由明日（11日）起至31日，只要喺fb或IG分享你同親朋好友共享Pocky時嘅相，加上「#PockyPhotoFunChallenge」及「#齊齊分享無限樂脆」，其中50位最令人印象深刻嘅參加者，就有機會贏得限定「Pocky保溫杯」一個，即刻去買嚟玩下啦！