林鈺洧爆爸爸有要求做親子鑑定 認同母指林俊賢叫墮胎：都唔出奇

今日（6日）應屆港姐冠軍林鈺洧（Denice）出席沙田馬場《莎莎婦女銀袋日》首次回應父母家暴「羅生門」事情，佢表示父母將所有家事公諸於世的確令佢有負面情緒，不過佢都好快收拾心情工作；佢亦就父母「口同鼻拗」嘅事情「一搥定音」。

同場加映： 下流上車族丨羅毓儀出道兩年機會不斷感幸運 靠動漫鼓勵望努力彌補童顏缺點

{{hket:ul-video id="6883"}}{{/hket:ul-video}}

Denice對父母隔空嘈交不插手，任佢哋自行解決：「我都未搵到爸爸（林俊賢），我都想佢哋兩個各自各冷靜，我自己都唔想介入佢哋上一代嘅嘢。我真係好需要增值自己，都冇時間理佢哋上一代嘅嘢。我覺得佢哋以前都咁親密嘅關係啦，咁所以我覺得要留畀佢哋自己去和解，好多嘢唔到我呢個後輩去插手。」

Denice又指自己當時年紀細乜嘢記憶都冇，真相係點對佢都冇乜影響。不過Denice就力證林俊賢的確要求佢驗DNA：「我係有驗㗎，咁驗咗係佢個女，無可否認呀其實（佢要求你驗？）我唔會主動驗啦（當初見面驗DNA件事係真既？）係真！嗰陣時年紀太輕，15歲啱啱先見返、我都唔知係去做乜嘢，就好似而家做檢測咁，好簡單嘅步驟。」佢又表示唔介意驗DNA：「冇所謂啦，驗咗仲好啦，其實都唔使驗啦咁似樣！」不過佢就為爸爸解釋佢只係年紀大忘記咗。

{{hket:inline-image name="1.jpeg"}}{{/hket:inline-image}}

林鈺洧表示覺得爸爸要求媽媽（Jasmine）墮胎亦唔出奇：「我明嗰個年代偶像派會有偶像包袱，很多時係咁，所以有都唔出奇。」至於媽媽指曾遭家暴，爸爸話長期被對方精神暴力，佢就指自己唔知情，無奈表示：「依家係我畀佢哋（精神）虐待。（相信爸爸還是媽媽？）我唔想理，亦唔想諗呢個問題。」

Denice表示理解媽媽突然「爆大鑊」：「因為可能真係佢呢個心結，呢個唔開心屈咗係心入邊好耐，每個人發洩嘅方法都唔同，佢喺呢個moment同記者講，係佢嘅選擇！」

林鈺洧的父母林俊賢、Jasmine已離婚多年，Jasmine近日爆林俊賢當年答應共同撫養只有8歲嘅林鈺洧後失蹤，又暗示曾被家暴，之後得知林俊賢以「還手」來回應家暴一事後再反擊，公開當年曾被林俊賢掌摑至臉腫的經過。Jasmine又稱當年意外懷孕被要求墮胎，係佢堅持要生林鈺洧，林俊賢為免有話柄先肯結婚，但婚後關係愈來愈差，林俊賢一度向佢揮棒，嚇到佢報警同帶女兒走。而林鈺洧15歲時再同父親林俊賢見面，林俊賢要求女兒驗DNA。

林俊賢承認曾與前妻發生兩次肢體衝突，第一次係被Jasmine重擊自衛還手，掌摑對方。第二次因長期被對方精神暴力，有次被「指住鼻」先忍呂住用口咬對方手指，對方立即離開及報警。對於Jasmine說當時只是用手推了他一下即被掌摑，林俊賢稱曾多次被對方掌摑及拳打，有時一言不合打爛家中物件又用刀威脅、踢爛車嘅擋風玻璃等無數次。林俊賢指Jasmine所言全部係不實指控，將事實顛倒，佢先係真正受到多次暴力對待嘅受害者。林俊賢表示當年從未要求Jasmine墮胎，都冇要求過女兒驗DNA。