美心MX感謝日 長者晚市享7折 學生午晚市88折

1972年位於中環皇后戲院對面嘅首家美心快餐啟業，美心品牌至今已喺香港紮根50年，多年嚟佢哋堅持為顧客提供優質食物和服務，更期望為顧客注入充滿活力嘅生活體驗。黛安收到風，為咗慶祝美心MX第一個金禧，品牌將陸續推出唔同精采優惠回饋顧客。

公關姊妹話，為感謝顧客陪伴美心MX一同成長，喺11月及12月嘅第一個星期六，即11月5日及12月3日，長者喺晚市惠顧任何食品，不論堂食或外賣都可享7折優惠！而早前推出嘅「長者全日88折優惠」反應相當熱烈，所以美心MX決定將優惠延長至12月31日；長者只要到美心MX分店用膳，出示樂悠卡或長者八達通，即可享折扣優惠。大家快啲帶埋爺爺嫲嫲，一家人去開餐啦。

另外，美心MX為表示對學生哥嘅支持，喺指定分店凡穿着校服或出示有效學生證嘅學生，於星期一至五嘅午市及晚市時段（公眾假期除外）買正價食品亦可以享88折，優惠期至12月30日。