披荊斬棘2丨張智霖與陳小春剃頭演繹《浮誇》 唱到青筋暴現網民反感：錢作怪？

張智霖同陳小春近年都致力攻打內地市場搵真銀，二人參與綜藝節目《披荊斬棘》被封「大灣區哥哥」，商演長做長有，做到手軟。日前《披荊斬棘２》一集佢哋重新演繹陳奕迅嘅歌曲《浮誇》，內地同香港網民對二人評價一個天一個地，非常有爭議性。

同場加映：下流上車族丨羅毓儀出道兩年機會不斷感幸運 靠動漫鼓勵望努力彌補童顏缺點

{{hket:ul-video id="6883"}}{{/hket:ul-video}}

張智霖同陳小春將《浮誇》重新編排以劇場版般演繹出來，歌藝先唔評論，最爆係佢哋唱到情緒高漲、青筋暴現之際，突然拎出剃髮機剃頭，陳小春不時以skinhead示人，所以最令人驚訝都係張智霖「手起刀落」剃頭，睇到人嘩嘩聲。

{{hket:inline-image name="10.png"}}{{/hket:inline-image}}

二人唱到力竭聲嘶，獲得內地網民大讚二人表演有電影感，留言：「一身雞皮疙瘩，好聽！」、「今年最震撼的舞台之一」、「我的天，這舞台真的震撼到我了。」

不過香港嘅網民就唔多Buy，一面倒狂踩佢哋嘅表演非常突兀：「以為用力就係浮誇，同埋睇到好尷尬。」、「其實剃頭有咩用……好古怪的表演。」、「內地人生活係咪好苦悶，日日電視睇呢啲唔厭咩？」又有人話係因為「錢作怪」，所以內地節目組對佢哋有咩要求都照單全收:「Chilam咁緊張外表都肯咁做！」、「果然有錢收就乜都得。」又有人質疑張智霖同陳小春係因為人民幣「結誼」：「兩個本身好Friend？定係上節目就吹到有廿幾年友誼？」

{{hket:youtube id="reACo9_xCLk"}}{{/hket:youtube}}

圖片來源：截圖