新都會廣場「漫遊太空之甸」 布甸狗聖誕5大打卡位 + 期間限定店

Pompompurin（布甸狗）有唔少粉絲，黛安收到風，今個聖誕節新都會廣場將聯乘布甸狗，打造「漫遊太空之甸」奇幻之旅，由11月12日起至明年1月2日，布甸狗就會帶領好友Macaron及Muffin等組成太空冒險小隊，以型格太空裝造型首次亮相，勇闖銀河星系，粉絲都可加入成為隊員，一齊喺太空執行任務㗎！

公關姊妹話，場內將設5大戶外打卡位，包括超巨型5米高「布甸號」火箭發射站、5米高科幻「星際探測基地」、約會必到嘅「漫星花院」、閨密至愛嘅光影遊園，及以由霓虹燈及紫色花打造嘅霓虹星光牆，最啱約埋摯愛去暢遊及打卡啦。

此外，The Point會員憑指定電子消費金額及積分，仲可以換領布甸狗太空系列限定精品，例如單柄陶瓷碗及星際收納袋等；12月起場內更設期間限定店，出售超過200款周邊商品，包括期間限定店獨家發售嘅最新布甸狗星空系列，及一眾Sanrio characters聖誕造型新商品等，大家可以順便去買埋聖誕禮物送畀好友呀。