劉偉強《無間道》選角獨具慧眼 42歲陳冠希激似41歲劉德華

現年42歲嘅陳冠希（Edison）2017年同上海名模秦舒培誕下囡囡Alaia，自此就成為曬女狂魔，不時post出囡囡嘅可愛生活照。Edison近年不時被批急速衰老，不過鬼仔性格嘅佢一於少理，分享自己最真實嘅一面，日前佢又大曬同囡囡「出巡」嘅相，竟然被意外發現撞樣廿年前嘅劉德華。

同場加映：下流上車族丨羅毓儀出道兩年機會不斷感幸運 靠動漫鼓勵望努力彌補童顏缺點

{{hket:ul-video id="6883"}}{{/hket:ul-video}}

萬聖節前夕唔少父母都會帶小朋友出外感受節日氣氛，Edison都唔例外， 日前就帶同萬聖節裝扮嘅囡囡周圍打卡影靚相，仲開live「與眾同樂」！唔少人都話5歲的嘅囡囡Alaia愈大愈似爸爸Edison，而身形就非常修長，遺傳九頭身模特兒媽媽嘅身形，其中一張回眸一笑嘅相，美人胚子出晒嚟，基因真係贏晒！

{{hket:inline-image name="5ed5ba333fd2d779ec8ad675b4d828b674c6c456df.jpg"}}{{/hket:inline-image}}

而有網民嘅另一個重點就放咗喺Edison嘅外貌上面，Edison冇加任何修飾同愛女合照，雖然已經唔係當年嘅青靚白淨，不過有歲月痕跡嘅佢多咗幾分男人味，仲同廿年前嘅劉德華撞樣，網民留言：「希哥好像以前的劉德華。」、「不就是《無間道》的劉建明。」、「原來當年選角有巧思。」

當年《無間道》由Edison飾演年輕版劉德華，雖然二人同係美男子，不過當時都冇話好似樣，然而導演劉偉強咁早着先機。劉偉強早喺當年為劉德華同梁朝偉分配「劉建明」同「陳永仁」時已經被大讚獨具慧眼！劉偉強曾接受訪問時表示，當年劉德華同梁朝偉都好客氣，叫對方先揀角色，最終就要由劉偉強決定。劉偉強後來覺得「陳永仁」相對内歛，梁朝偉較為合適，而出到嚟效果之理想亦係有目共睹。