慶祝無綫台慶55周年及香港小姐比賽踏入50周年而推出的真人騷綜藝節目《香港小姐再競選》，本周六（29日）晚八點半至十點半於翡翠台播映。參賽者全為歷年未能成為三甲的港姐，包括1號梁允瑜、2號蔡菀庭、3號陳懿德、4號黎寬怡、5號李天縱、6號李芷晴、7號賴彥妤、8號鄺靜汶、9號黃婉恩、10號王嘉慧、11號何沛珈、12號關楓馨、13號麥皓兒及14號莫韻諰；並由陳百祥、仁愛堂主席鄭慧賢博士、2008 香港小姐旅遊大使高海寧、《美麗戰場》編導及監製葉念琛，及袁偉豪擔任評判，同時邀請陳曉東、前港姐樊亦敏、吳幸美及蘇韻姿擔任表演嘉賓。
同場加映：美麗戰場丨劉佩玥唔認嘈圈中揀朋友要挑剔 陳曉華忽略閨密喊住道歉挽回
一年內勁減40磅成為全城焦點的樊亦敏，當晚以一襲灰色晚裝裙出場，及後換上超貼身半透視連身裙，以師姐身分帶領師妹吳幸美、蘇韻姿及14名佳麗獻聲。壓軸表演環節是向歷年來沒有成為三甲，仍堅持追夢的佳麗們致敬，樊亦敏感性作開場白：「每年可以得到港姐后冠只得三位佳麗，大家唔好放棄一齊努力，或者會得到比起后冠更加珍貴嘅獎賞。」
節目剪輯了多位歷年來沒有奪得三甲的港姐的參賽片段，包括趙雅芝、周海媚、邱淑貞、郭可盈、張可頤、陳妙瑛、麥美恩、湯洛雯、陳芷菁、何婉盈及郭少芸，當中有實力演員，也有司儀及主持界人才。
樊亦敏受訪時，坦言是次盛事勾起昔日點滴，她說：「參選港姐前我好似一張白紙咁，參選後就眼界大開！選美唔單只係訓練個人，仲係一場鍛煉，一齊成長，蛻變成更成熟更美麗更有智慧的女性。當晚我好感動，無論係唱歌抑或講嗰番說話，都係真心祝福歷年來所有港姐，擁有美麗璀璨嘅人生。我為現場參賽佳麗感到驕傲，大家都好有自信、勇氣同正能量。」
當晚表現令人眼前一亮的，分別是現年35歲的李天縱（2011年參選港姐），及現年34歲的麥皓兒（2007年參選港姐）。已為人母的李天縱身形fit到漏，輕了兩公斤，她受訪時笑言生完小朋友後，體重一度暴升至60公斤，現回復至46公斤左右，問到減肥心得，她說：「為咗今次節目，我呢五個月每朝7點開始練習瑜伽！」
當李天縱得悉《香港小姐再競選》舉辦，只花一秒時間決定參選，「人生之中失去咗，但若干年後還有重來嘅機會。希望通過呢次比賽，展示我不為人知嘅魅力、才藝、努力同堅持。」對於入行以來一直面對的「廣東話發音」問題，李天縱已看開，「我再練十年都會有口音，就唔糾結嘞。我能夠聽得明白，表達明白就OK，可能帶口音嘅廣東話可以畀到歡樂觀眾呢！」
麥皓兒當年的22吋「黃蜂腰」不復再，依然保持住24吋纖腰。她在台上稱，曾經為了演好師奶角色，增磅至145磅，之後同樊亦敏一樣於一年內減掉40多磅。談到減肥心得，她笑說：「主要係做運動，冇乜節食，咁可以更有效提升代謝率，除咗每日做兩至三個鐘帶氧運動，仲會額外做肌肉訓練。」
麥皓兒有「天生比賽狂」之稱（香港傑出中學生、香港傑出少年、普通話朗誦比賽全港總冠軍；以16歲之年齡成為18區歌唱比賽亞軍），對於這次參賽，她起初帶點猶豫，但經製作組遊說後決定參加，「佢哋話我啲皮膚好年輕喎！都多謝佢哋啦！」她特別感激男友「蔥頭」丘梓謙給予不少實際支持，「才藝表演係跳唱，自己練習時，佢有提點我邊啲動作會smooth啲好睇啲。同埋佢再冇引誘我食嘢！佢係油浸都唔肥嘅類型，之前仲成日話煮宵夜畀我食...衰人！」
香港小姐再競選丨高海寧笑認傾掂合約繼續留TVB 樊亦敏演港姐保姆憶當年被教訓【下一頁】
圖片：大會提供、IG圖片
撰文：娛樂組