由姜濤、呂爵安（Edan）、邱士縉（Stanley）、陳卓賢（Ian）、郭嘉駿（193）、梁業（肥仔）、張繼聰、陳安立等主演的ViuTV原創劇《季前賽》，講述熱愛籃球的男生重拾昔日籃球夢，對戰全港首屈一指的大學籃球隊的故事，劇集於今晚強勢推出。拍得成《季前賽》，原來跟姜濤有關，他在「製作特輯」中透露：「之前拍過一啲廣告都同籃球有關，當時知道佢（監製兼導演袁劍偉）鍾意打籃球，講過之後一齊打波啦，如果有齣劇講打波就好嘞...所以《季前賽》都算係我同佢傾出嚟嘅，好開心！」
同場加映：季前賽丨張繼聰掹車邊拍偶像劇感無憾 由凍拍到熱：有種共患難感覺
今次有多位前輩獲邀拍攝，包括張繼聰、童愛玲、劉錫賢、歐錦棠、袁富華等。丘麗儀（童愛玲 飾）飾演高家孝（姜濤 飾）媽媽，姜濤對這位前輩讚不絕口，「第一次對戲嘅時候，佢已經話喊就喊，好想向佢學習。」有演員笑指跟張繼聰做對手戲會好麻煩，因為他經常爆肚，193說：「真係遇到高手！平時都係綜藝節目，大家爆一、兩句，互寸一下，阿聰嗰啲係勁到接唔到。」姜濤說：「套劇有咗阿聰，我覺得有咗靈魂。」曾在《娛樂風雲》與193合作的劉錫賢，他大讚對方在演技上有進步，演出踏實，「作為老人家，有少少欣慰！」
《季前賽》熱血籃球故事率先劇透 仲有呢位MIRROR成員客串？【下一頁】
在拍攝過程中，肥仔踢爆姜濤喜歡跟前輩玩「彈額頭」，就連袁劍偉都不能倖免，彈完之後，袁劍偉笑說：「佢真係出盡力㗎！」張繼聰說：「姜濤又點呀？彈我額頭喎！我淨係畀佢彈背脊...都好痛！」
《季前賽》宣傳丨MIRROR四子演唱會意外後首次公開露面 姜濤：我哋每個人都想知道真相【下一頁】
談及拍攝時的難忘事，飾演最叻射3分波的Edan說，最難是每次入波都要「真入」，目的是要令球場上的其他演員流露最真實的反應、表情。Ian則說：「我人生中，籃球帶畀我好多傷患。奈何我嘅年紀越嚟越大，體能下滑，有時一埋位拍，未熱身時夾硬做嗰啲動作，舊患就會復發。拍呢套劇時，我嘅膊頭、膝頭、腳腕又痛番...」張繼聰提到有場只穿白色內褲現身銅鑼灣的場面，稱：「受到疫情影響，銅鑼灣冇咁多人...坦白講，演員進入咗角色就冇話尷唔尷尬，同啲子孫講，我試過喺銅鑼灣附近裸跑！」
第一集（24/10）劇情：
內向青年高家孝（姜濤 飾）與好友豬潤（梁業 飾）和弟弟老闆仔（黃梓樂 飾）相依為命。在快餐店工作的高家孝，偶然遇上昔日中學籃球隊隊友，他們現在已是大學校隊成員，高家孝抬不起頭，原來他曾在學界決賽中犯下關鍵錯誤，成為輸波罪人。高家孝自責，從此放棄籃球。
富家子關浩德（呂爵安 飾）畢業後一直待在父親的公司享盡父蔭，雖然表面風光，但關浩德對未來沒有實際計劃和想法，因為他害怕失敗。曾經是籃球學界好手，現為廣告公司客戶服務經理的張智良（邱士縉 飾），為生活奔馳，以藉口、手段矇混過關，凡事逃避是他改不了的壞習慣。有一日，翰林大學籃球隊高調到街場踩場，球場佗地喪波（張繼聰 飾）穿針引線，把高家孝、關浩德、張智良三個不相識的人聚集起來對賽。在喪波連哄帶騙下，他們終於踏上賽場，迎接這場改變人生的比賽。
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】