《季前賽》宣傳丨MIRROR四子演唱會意外後首次公開露面 姜濤：我哋每個人都想知道真相

人氣組合MIRROR演唱會7月底發生意外後，12位成員獲安排停工兩個月，調整情緒。雖然意外調查報告仍未出爐，不過MIRROR多位成員都陸續復工。ViuTV的新劇《季前賽》將會下周播出，有份參與演出的MIRROR四位成員姜濤、呂爵安（Edan）、陳卓賢（Ian）和邱士縉（Stanley）都有出席，見他們心情輕鬆，即場進行一場友誼籃球賽，相信不少鏡粉都可以鬆一口氣。

同場加映：炎明熹被爆最愛在天台看海發呆 高晨維家變歌手育成秘密基地

{{hket:ul-video id="6752"}}{{/hket:ul-video}}

盧瀚霆Anson Lo@MIRROR貼長文自白曾對前景迷惘 接近3個月正式上水祈求奇蹟出現【下一頁】

{{hket:inline-image name="f74dbbb4-9efa-4407-8dbc-8e16c94c4117.JPG"}}{{/hket:inline-image}}

{{hket:inline-image name="9fa1feae-8bfa-4f08-858b-31a086896924.JPG"}}{{/hket:inline-image}}

{{hket:inline-image name="3e86aff0-a559-4505-ad65-b0934d18e97c.JPG"}}{{/hket:inline-image}}

{{hket:inline-image name="589f5084-c404-4ba3-b0c1-380cd5f0a928.JPG"}}{{/hket:inline-image}}

歐遊回港的姜濤身形明顯有少少發福，就算打波劇烈運動，他都堅持全程戴住口罩，幸好在隊友的接應之下，姜濤都有成功得分。之前一直有傳Ian因情緒未平伏而推戲，但Ian今晚神情輕鬆，未見異樣，Ian亦有多次助攻給陳安立入波，非常厲害。MIRROR四子一齊接受訪問，問到有沒有探望演唱會受傷舞蹈員李啟言（阿Mo）？Stanley說：「我哋有問過公司可唔可以探，但醫院唔可以咁多人去，同埋阿Mo未方便見大家住，只能透過公司去了解佢情況。」問到是否想盡快有調查報道出爐？姜濤不斷點頭，Edan開口說：「希望知道成件事來龍去脈，我哋每一個都等待緊。問過公司，對上一次答覆係就快有。」

在意外發生的當刻，Edan和盧瀚霆（Anson Lo）正在台上表演，問到是否留有陰影，Edan表示：「我相信每一位當日表演者，經過嗰日都有好多唔同事情（畫面）發生在腦海入面，呢件事係好震驚嘅事，我自己都用咗一段時間去消化，亦反思咗好多事情，每位兄弟復原程度不一，需要兩個月時間。希望將來團隊用我哋嘅資源，以後做多啲嘢去幫身邊嘅人。」

{{hket:inline-image name="6c02c5a7-5f82-41fc-b263-0ed2d1935dc4.JPG"}}{{/hket:inline-image}}

{{hket:inline-image name="bcd210f6-10bd-4d26-a709-61b32d002176.JPG"}}{{/hket:inline-image}}

Stanley坦言迷失的感覺一定有，只能慢慢調整情緒，公司因應MIRROR各成員的情況去安排相對的工作，他表示沒有睇心理醫生，只是公司安排過心理顧問去看看大家的情況，Stanley說情緒反應是正常，當然不能夠百分百冇事，只是慢慢向前行。提到Ian早前傳出因為情緒未穩而推掉處男電影《拚命三郎》，他解釋：「其實以前做訪問已經講過好想參加電影演出，今次終於迎來第一次，真係好難得嘅機會，我好想用200%準備充足去演。其實辭演咁大決定係8月嘅事，多謝電影公司體諒，佢哋原本話等我心理調整番先，十月再視乎情況開拍，但我唔想拖延大家進度，冇理由要成個劇組百幾人等我一個，而且我唔肯定10月係咪真係沉澱好，所以推咗。我覺得而家我心情唔係最首要，反而係要睇身邊有冇人需要幫忙，睇自己可以做到啲咩。」

野人老師丨姜濤新劇《季前賽》接力出爐 發肉麻帖讚「大哥」Stanley演技【下一頁】

{{hket:inline-image name="283957622_512348933906743_8951382403029946444_n.jpg"}}{{/hket:inline-image}}

{{hket:inline-image name="292488025_441847651284991_4051445362649970980_n.jpg"}}{{/hket:inline-image}}

{{hket:inline-image name="272877025_143392124759832_640737744651511724_n.jpg"}}{{/hket:inline-image}}

姜濤歐遊後返港，他坦言去完旅行心情都放鬆了不少，「難得出道幾年以來，第一次同屋企人相處咁耐時間，講出呢幾年心事，（媽咪擔心你情緒？）大家冇乜去講，都知道呢件事一提起就會唔開心，所以旅行中只想老人家開開心心
。」提到Anson Lo和李駿傑（Jeremy）返港導致大混亂，但姜濤卻獲安排特別通道離開，姜濤代為解釋：「因為佢哋申請唔切，阿Lo佢哋個旅行決定得比較急，我比較早決定就可以安排到。」

{{hket:inline-image name="08fe1e1d-5a96-4b21-8a14-8912f116400a.JPG"}}{{/hket:inline-image}}

{{hket:inline-image name="c48e6d06-5daf-4e5c-ab95-85202afd14cf.JPG"}}{{/hket:inline-image}}

問到12子對舞台會否留有陰影？Edan表示：「我哋暫時未站番上去舞台，難答實一定得或者唔得，但以後一定會更加注重安全，希望唔會再有呢種事情。」對於網上有不少人落井下石，甚至攻擊阿Mo的女友蘇芷晴（ So Ching），姜濤說：「我希望網上唔好咁多攻擊嘅嘢發生，好想呢個期間，畀多啲包容dancers同So Ching，佢哋心情冇人能理解到，我哋一條心，我哋一齊行，唔鍾意可以唔睇，但佢哋真係需要大家支持。」Edan指暫時未有消息明年補辦演唱會，相信要等情況穩定再另外考慮。

{{hket:inline-image name="ca9bba79-b7a5-4323-a526-9be8642ed929.JPG"}}{{/hket:inline-image}}

Edan近日有緋聞傳出，有傳他跟袁澧林因多次合作而「撻著」，Edan否認此事：「唔係真嘅，同佢係好朋友，聽咗呢段傳聞一段時間都冇回應，因為唔係真，可能合作多令大家誤會。」他們感激鏡粉的支持，為他們推出的新歌展開一系列的應援活動，他們否認公司沒有投放資源而依賴鏡粉，「每間公司做法唔同，佢哋投放資源畀我哋學唱歌，想我哋實力再好啲！多謝粉絲咁愛我哋！佢哋想我哋紅嘅心比我哋仲大！」訪問結束前，姜濤最後補充一句：「希望政府理解我哋心情，我哋每個人都想知道真相，所以希望快啲有個交代。」

{{hket:inline-image name="04_600.png"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

採訪：黃曉妍
責任編輯：楊安莉