7CAFÉ引入「雨林聯盟認證」咖啡豆 $10試飲燕麥奶即磨咖啡

唔少上班族習慣飲杯咖啡先開工，黛安收到風，7-Eleven由本月26日起，會為全綫逾600間7CAFÉ引入100%「雨林聯盟認證」Arabica咖啡豆，齊齊推動「友好地球有好咖啡」。公關姊妹話，佢哋嚴選來自同一產地（巴西、洪都拉斯及印尼）嘅咖啡豆，配合獨特技術，繼續喺本地新鮮烘焙，保留獨有7CAFÉ嘅風味。7CAFÉ更會推出燕麥奶即磨咖啡限時優惠，本月26日至11月8日，大家只要去7CAFÉ即可以用$10試飲價，歎番杯燕麥奶即磨咖啡！

另外，7CAFÉ更改用以環保物料製成嘅杯蓋及紙杯，新杯蓋由甘蔗渣漿類植物纖維製造，100%可於大自然分解，以減低對環境嘅影響；新紙杯獲得森林監管委員會（FSC）認證，保證絕非來自濫墾濫伐嘅森林，從而保障森林嘅野生環境，達至維持生態平衡，齊齊為愛護環境行多一步。