美麗戰場｜陳瀅被發酒癲前度打唔敢還手 陳曉華遇渣男經歷似足「小美」？

無綫台慶劇《美麗戰場》自播出以來話題不斷，轉眼間下周就進入結局篇。近日陳瀅、蔣家旻、陳曉華、劉佩玥、丁子朗、林盛斌Bob、張馳豪及身兼監製、導演及編劇的葉念琛現身「See Saw先」YouTube頻道，當中四位女演員都有分享拍拖遇上渣男的經歷。當中陳瀅更自爆曾被前度打，令眾人大驚！

同場加映：美麗戰場丨蔣家旻曾為演好角色受壓爆濕疹 學懂放鬆喜迎「反骨琪」咒罵聲

{{hket:ul-video id="6775"}}{{/hket:ul-video}}

Bob問在座女藝人，人生中有冇遇過渣男？陳瀅首先回答：「有，一定有。」被問到她最渣可以渣男到點？她就指：「前男友打我，但我唔敢還手，因為佢大隻過我，我個吓還手我諗我會入院。」

{{hket:inline-image name="53.jpeg"}}{{/hket:inline-image}}

陳瀅描述當時的情況是前男友有少少醉意，「唔記得係因為啲乜發脾氣，佢郁腳同郁頭，踢咗一下我隻腳，記得我個頭都好痛。當時係好驚，但過咗陣先分手，驚即刻分手會仲驚。最後過咗個零月先分手。從此就好討厭同太鍾意飲酒嘅男仔一齊。」

{{hket:inline-image name="c.png"}}{{/hket:inline-image}}

而陳曉華也自爆前度是渣男的經歷，「有遇過一個男仔有差唔多三年冇拍過拖，啱啱一齊時去佢屋企玩，就喺佢床邊搵到內衣，但就係好BB、似sport bra啲內衣。佢話可能係三年前嗰個女朋友留低，我嗰陣係信嘅。之後第二日去佢屋企時又見到第二個，佢就話咁多嘢留低嘅，我又信咗。」眾人都一致話佢好似佢劇入面個角色「林小美」咁天真！

陳曉華續說：「到後來我同佢分手之後，佢好快同第二個一齊，佢又搵番我，話想同我一齊，咁佢就話會同嗰個女仔分手。但第二日又同我講，『喂我真係分唔到住，不如我哋一齊住先啦 』嗰吓我就醒啦，叫佢走！」大家都讚陳曉華：「你終於叻番次！」

美麗戰場｜葉念琛為杜燕歌病發唔執藥解畫 2005年劇情出現2022年Banner點收科？【下一頁】

圖片來源：《美麗戰場》電視截圖、YT影片截圖

撰文：娛樂組