太古城冰上皇宮賀40歲 推8大活動禮遇

唔講唔知，原來太古城中心冰上皇宮已踏入40周年，黛安知道，即日起至12月佢哋會舉辦8大「Skatecation」推廣活動及禮遇，包括溜冰及冰壺入門體驗；冰下參與人氣手作工作坊、欣賞相展、2022 ISI香港滑冰賽及冰上滙演等。當中人氣手作工作坊溜冰套票已登場，一票$200即可玩盡兩種唔同體驗，享受溜冰樂之餘，更可參與工作坊，製作3D花擴香石、水泥杯墊、LED燈牌等。

另外，公眾溜冰特惠入場費仲低至6折！公關姊妹話，冰上皇宮趁40周年推出溜冰祭與眾同樂，喺11月14日至18日，場內將首次推出6折公眾溜冰特惠入場費，無論係現場及網上購票，都可以享用呢個超筍優惠，畀大家享用嶄新數碼化設備，盡情喺冰面上享受翱翔快惑。冰上皇宮更會喺12月10日至11日，為大家準備周末派對，一系列派對別注驚喜將會登場，如小朋友摯愛嘅扭波波、大派糖果、即影即有照相館等，大家記得預留時間，約埋好友齊齊度過一日完美嘅Skatecation派對假期啦。