柳俊江腳板藏玻璃碎一星期唔覺痛 「呢單嘢深深體會人體幾咁奧妙」

前TVB新聞主播柳俊江日前在社交平台自爆腳板有事，講述兩星期前踩到玻璃杯碎片，一心以為止血後便冇問題，但一星期後仍未痊癒，於是去睇醫生並照X光片，結果發現腳板藏有玻璃碎，要做小手術將它取出來。柳俊江完成手術後搞笑報平安：「母子平安！呢單嘢深深令我體會到，人體係幾咁奧妙，咁大塊玻璃插住腳板底，都可以唔覺唔覺。」

{{hket:inline-image name="290656631_591738798984836_8999050420817505510_n.jpg"}}{{/hket:inline-image}}

{{hket:inline-image name="310481607_662791128546269_6191341103734886169_n.jpg"}}{{/hket:inline-image}}

同場加映：炎明熹被爆最愛在天台看海發呆 高晨維家變歌手育成秘密基地

{{hket:ul-video id="6752"}}{{/hket:ul-video}}

柳俊江日前在社交平台上載X光片，並留言話：「兩個星期前，打爛咗隻玻璃杯，唔小心踩到，自己洗完傷口，止咗血覺得冇乜嘢，點知一個星期都未好番，去睇醫生，話腳板底裡面藏咗塊玻璃，點解你唔識痛？Anyway，搞一大餐，今日要去私家醫院開刀攞番佢出嚟，所以話，有乜事，都係搵咗醫生先，如果唔係……就成個月冇得跑步……」，不少網友聞言後留言並送上慰問：「早日康復」、「Take care……好好休息」、「好彩及早發覺，唔係塊玻璃順住血管流番入心藏，變咗玻璃心就慘喇！」、「忍痛力驚人！不明的是還可以止到血！」及「踩咗一個禮拜地，隻腳都唔識痛先得人驚」。

柳俊江離婚兩年唔再曬仔女 前妻首發聲：不懂像別人大做文章【下一頁】

柳俊江第二日在網上報平安，更多謝女友Grace接出院，他搞笑表示：「『蘇』咗喇～母子平安，掹佢出嚟嗰陣，聽到『嘩』一聲……係個醫生爽快嘅叫聲。呢單嘢深深令我體會到，人體係幾咁奧妙，咁大塊玻璃插住腳板底，都可以唔覺唔覺。喺手術嘅同時，仲可以同姑娘交流跑步心得，真係愉快嘅手術經驗。當然，要多謝@gracemakkkk再一次用嬌小嘅身驅扶我出院啦！」

（↓點擊放大睇圖片↓）

網友見他如此輕鬆也搞笑留言：「呢個時候通常女朋友會問：其實你仲收埋咗幾多嘢？」、「做咩同姑娘咁好傾？」、「神人先可以做得到，竟然插入肉都唔覺」、「改咗名未？」及「睇文字以為你睇緊生產過程。」等。

娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】