柳俊江離婚一年大方曬新歡合照 再遇真愛：人可以擁有好幾段人生

前TVB新聞主播「大鼻子情聖」柳俊江，去年9月涉與妻子雷康怡（Florence）嘅男友人毆鬥被捕，之後爆出原來柳俊江同太太鬧婚變並正在分居；事件爆出後，柳俊江已刪除與前妻嘅合照，10月更於Facebook發表離婚宣言，默認與太太結束10年婚姻關係。本身經常網上放閃嘅柳俊江，呢一年變咗分享行山跑步心得，以及同一對仔女天倫樂嘅合照。最近佢走出離婚陰霾，於IG限時動態分享一張同新歡嘅合照。

同場加映： 炎明熹感激家人沒強加期望添壓力 做歌手學會珍惜機遇先苦後甜

{{hket:ul-video id="4410"}}{{/hket:ul-video}}

{{hket:inline-image name="scree_600.png"}}{{/hket:inline-image}}

合照中，長髮女子小鳥依人咁挨喺柳俊江心口，隔住塊mon都感覺到sweet！柳俊江留言：「Carpe Diem（有活在當中、把握光陰、及時行樂之意）」。據知其新歡Grace係海帆娛樂（Alala Entertainment）經理人，旗下運動員有「跳高女神」楊文蔚同空手道運動員鄭子文。

其實柳俊江嘅新戀情早就有跡可尋，佢上個月喺IG限時動態上載照片，相中與一名女子作「約定手勢」狀，並留言：「以後，還請多多指教。」又引述Netflix劇集《紙房子》對白：「人們總以為，一生只會遇到一次真愛，他們卻不知道，人可以擁有好幾段人生。」有網民爆料指自己認識Grace，指對方今年7月生日舉辦派對時柳俊江已有出席，二人似乎已發展至少3個月；今日Grace都有發布有人為佢煮宵夜嘅限時動態，莫非同居洩「蜜」？她留言：「thank you my private chef.（多謝我嘅私家大廚）」。

相關新聞：新派韓式素食嚐時令蔬果料理 秋日精緻下午茶健康時尚兼備

{{hket:ul-video id="4406"}}{{/hket:ul-video}}