IKEA「海底世界」展 啟發下一代保育海洋

近年由塑膠廢物造成嘅海洋污染愈來愈嚴重，黛安聽聞，IKEA由即日起至11月4日，會喺沙田、銅鑼灣、荃灣及九龍灣4間分店辦「海底世界」海洋保育展覽，以生動有趣嘅漫畫形式，畀大人細路了解海洋污染嘅元兇，及從家居日常嘅選擇出發，思考點樣去保育海洋。展覽亦分享咗IKEA將海洋污染物重生嘅方法，包括將海洋塑膠廢棄物回收再造成再生聚酯纖維，然後再生產綠色嘅環保玩具。

此外，IKEA嘅官網同期仲設有「海底世界」活動專頁，利用問答小遊戲令大家更了解海洋嘅價值及海洋保育面對嘅挑戰。IKEA希望喺2030年前全面轉用再生或回收物料生產家品，同時希望大眾可以選擇更環保嘅產品，一齊為海洋保育作出貢獻。