鄭裕玲憶昔日女司儀夠強勢 讚何B師傅說話幽默轉數快

鄭裕玲（Do姐）日前在商台節目《口水多過浪花》，與曾在電視台任職編劇的林奕華大談當年做司儀的趣事，林奕華指司儀不是男性專利，Do姐說：「我做唔到主播，咪做司儀囉，我都好口齒伶俐㗎喎，我係有一個奮鬥心。」

同場加映：姊妹們的國際市場丨余德丞做暖男揀女友港島優先 阿正無法異地戀棄「牙買加Jeffrey」

{{hket:ul-video id="6729"}}{{/hket:ul-video}}

{{hket:inline-image name="308812427_1116006925782170_6946992810130568048_n.jpg"}}{{/hket:inline-image}}

{{hket:inline-image name="310972862_5876406185712226_1641279776110076541_n.jpg"}}{{/hket:inline-image}}

昔日在無綫台慶，或者是《歡樂今宵》等等，Do姐認為女司儀有一個強勢，「你睇吓肥姐（沈殿霞）、狄波拉，你點敵得過佢呀，你咪諗住搶到佢啲嘢講呀！」林奕華提到忍笑這個畫面，難免會想到當年盧海鵬穿上粉紅裙扮欣宜，肥姐忍笑忍到夾晒腳，在旁的Do姐更笑到踎在地上，Do姐笑說：「佢（肥姐）好得意，佢係忍唔到笑，但佢又好期望自己忍到笑，因為佢覺得自己有條尺，但佢又好容易笑，我都唔理咁多，咁係好笑吖嘛！同埋我覺得笑係有感染力，觀眾睇到都會好開心。吳君如嗰種笑係另外一隻，我都唔知點樣形容，佢係唔係都笑。」

《霎時再感動》│鄭裕玲憶與沈殿霞笠垃圾袋避雨 肥姐曾開聲指導助成長感幸運【下一頁】

Do姐提到金牌司儀何守信（何B），指對方是一個謙謙君子，又可以駕馭一切情況，「佢好顧住拍擋，但有時做live，真係裙拉褲甩，佢又顧唔到咁多，總之上面有一個Signal，要完就完，但係有時我覺得完得好肉酸，我咪又笑囉，哈哈哈，但何B師傅真係師傅，佢恰到好處，你估唔到佢以前教體育，入咗TVB係講摔角（旁述員）；佢永遠唔會冇嘢講，而且唔會重複，但又動聽嘛，呢樣嘢我又學到。」林奕華亦指何B說話幽默又有趣，Do姐續說：「我印象最深，有一年同何B一齊做台慶，嗰年送一層樓，有同事攞到啦，當時我哋有隊外景組，一開門，同事就灑紙花，咁劉敏儀就係做呢part外景，仲要live，佢就隆重其事，整咗個好唔似佢嘅髮型，啲頭髮豎起晒嘅，因為佢喺外景，我哋喺廠，所以我哋唔知佢咩扮裝，點知一開門，第一眼見到佢咁樣，何B就話呢層樓除咗抵攞之外，見到佢（劉敏儀）咁嘅裝扮都值回票價啦，我哋都未反應過嚟，淨係喺度笑，何Ｂ真係可以（轉數）快到咁樣。」

【香港小姐】何守信主持足15屆 周星馳都做過 回顧歷年港姐決賽重量級司儀【下一頁】

{{hket:inline-image name="310607696_5876406065712238_4876112953003820110_n.jpg"}}{{/hket:inline-image}}

{{hket:inline-image name="308673549_5876406532378858_8195169931291679097_n.jpg"}}{{/hket:inline-image}}

林奕華指Do姐做了花旦後才加入《歡樂今宵》，所以沒有做過旁枝，Do姐搶著笑說：「我紅㗎嘛，仲做旁枝？」及後Do姐再爆料：「有一年做台慶趣劇《多聲道劇場之朱門新怨》，有我、四哥（謝賢）、梁朝偉，乜人都有，好似鄧英敏㩒個掣，我哋就要改對白，要多聲道，又法文、又潮州話，你知啦，有咁多貪玩嘅人喺度，邊個會記得邊個講邊句吖，阿姐（汪明荃）喺前面講完就擰轉身講『搶咗我嗰句』，哈哈哈！」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】