沈殿霞離世14周年丨鄭欣宜憶細個頑皮被肥姐打完再𠱁 「人越大越珍惜佢那種不離不棄」

今天是已故藝人沈殿霞（肥姐）逝世14周年的日子，愛女鄭欣宜在社交平台分享一張小時候跟媽媽肥姐的合照，相中肥姐將欣宜緊緊抱入懷。欣宜撰長文《過嚟，錫返》來懷念媽媽，一字一句都記錄著小時候跟媽媽的相處點滴。欣宜自爆小時候好曳，坐不定跑來跑去，媽媽一句「鄭欣宜」加嚴厲眼神就足以令她乖乖靜下來；但若果真的過份，如欺負婆婆、無禮貌或講大話時，肥姐就會摑女兒一巴。當冷靜下來之後，肥姐總會一句「過嚟，錫返」𠱁女兒，愛之深責之切。

同場加映：鐵拳英雄丨鄭世豪等足廿年終成正劇男配角 全心全意做演員：艱辛但美滿

{{hket:ul-video id="5277"}}{{/hket:ul-video}}

《七福星》｜欣宜憶錫吳卓羲被謔「死亡之吻」 與七仙羽重演肥姐台慶踩雞蛋一幕【下一頁】

{{hket:inline-image name="44ad947f-5cee-41ec-8a42-2160754fbd4e.JPG"}}{{/hket:inline-image}}

{{hket:inline-image name="274147406_240016098227107_8746401490397609271_n.jpg"}}{{/hket:inline-image}}

欣宜懷念媽媽肥姐的長文內容如下：

睇吓我個樣幾頑皮。喺我睇舊相嘅過程中，發現由6歲至13歲期間影過嘅所有相入面我個樣都係古靈精怪。

你以為我影相時做鬼臉係因為要掩飾對自己外表嘅不滿？可能都有關嘅……但係我知，佢都知：安安靜靜、乖乖女女、正正經經、坐定定的對我來講先至係一種掩飾。

之前都講過細個時嘅自己真係好曳。

當我嘈喧巴閉、跑來跑去、坐唔定嘅時候佢只會大聲喝我一聲「鄭欣宜」再加多一個嚴厲眼神我就會靜止下來（其實通常唔使講任何嘢，掘我一眼就夠）。

但當我最曳最曳例如蝦婆婆或者突然變Moody黑起塊面冇禮貌唔睬人或者講大話時……佢真係會兜巴星我。然後佢就會叫我跪喺地下掹住耳仔。最搞笑係，俾佢打完，我梗係會喊啦……佢就會叫我「唔準喊」！

吓？

所以喺我又掙扎緊想喊但又唔準喊……又反思點解我會俾佢打俾佢鬧，自己做錯啲乜嘢……當我開始感到內疚時真係諗得通了，佢一定會叫我「過嚟，錫返」。

然後我就會好似隻小胖羊走到佢身邊，貼住佢。佢就會攬住我，好聲好氣同我解釋我錯喺邊度。佢會同我解釋……其實打我佢仲痛過我。

今年35歲了。佢都走咗14年了。

人越大越珍惜佢嗰種不離不棄。無論我有多壞，無論我令佢多失望，到最終佢都會叫我「過嚟」然後錫返我。

如果我搵到一個……同樣對我不離不棄……當我嘈喧巴閉、跑來跑去、坐唔定嘅時候……當我唔覺意發洩我嘅脾氣喺別人身上、突然變Moody黑起塊面冇禮貌唔睬人(yes, i still do this often.)、當我唔知點處理問題然而瞞騙世界進入報喜不報憂狀態嘅時後……都能接受我嘅好與壞，在任何情況的最終都會叫我「過嚟，錫返」嘅人……就好咯。

#我仍會等

叱咤樂壇頒獎典禮丨鄭欣宜憶為唱歌不惜扮魔人布歐 爆喊與好姊妹林欣彤齊獲女歌手獎【下一頁】

今年35歲的欣宜自小背負星二代的壓力而加入娛樂圈，雖然唱歌實力非常高強，但仍然受盡輿論壓力。21歲面對肥姐的離世，開始獨立生活，欣宜努力自強，直至今年年初在音樂頒獎禮上橫掃女歌手的獎項，絕對成為媽媽肥姐的驕傲。

除了欣宜外，梁思浩亦有分享一張跟肥姐昔日的合照，並留言說：「十四年了！一直掛念妳，一直無忘妳。妳好嗎？」不少網友都留言表達懷念肥姐之情。

{{hket:inline-image name="800_f06150ba-50d0-47cb-baa4-d15bcd408153.jpg"}}{{/hket:inline-image}}

{{hket:inline-image name="273953356_488383912650505_862071040679939695_n.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉