林俊賢遺憾錯過與林鈺洧相處時光 澄清冇退隱：香港人同我睇實佢

《2022香港小姐競選》冠軍林鈺洧的爸爸是演員林俊賢，作為「星二代」的港姐冠軍，壓力定必有增無減，一直身在內地的林俊賢在微博只是轉發消息簡單恭賀女愛得獎，作風低調。林俊賢昨日接受TVB娛樂新聞台的許文軒電話訪問，大談愛女林鈺洧得獎感到非常驚喜，除了朋友不時將她的動態告知之外，總決賽當晚，林俊賢都是靠內地熱搜抖音片中見到愛女得獎的消息。

同場加映：曾慧雲熱愛拍戲演閒角一樣開心 拍拖廿幾年不結婚視毛孩為兒女

{{hket:ul-video id="6676"}}{{/hket:ul-video}}

2022香港小姐競選丨冠軍林鈺洧寸爸爸林俊賢被斥粗魯 搣甩22磅 認唔優雅跌Watt因為...【下一頁】

{{hket:inline-image name="800_347b27b586e9edadc3c8158cf33c9e6e.jpg"}}{{/hket:inline-image}}

{{hket:inline-image name="310149991_783608799589857_6666338881823850329_n.jpg"}}{{/hket:inline-image}}

{{hket:inline-image name="4c6f9b33ly1ga33y0ttssj22b926ze83.jpg"}}{{/hket:inline-image}}

林鈺洧奪冠後，公開透過電視熒幕寸爸爸不看好她，但她終於得獎，林俊賢笑言：「唔睇好呢個成份佔多，佢話我知嘅時候，我話：『你唔好玩啦！』點知佢話報咗名，咁好啦，咁你咪去玩吓，當學下嘢囉！」對於鈺洧曾經在ViuTV節目中談到性伴侶的話題，再次被炒熱，林俊賢力撐愛女，他認為年輕人上清談節目，大家都自由發表言論，不認為有問題，「不過，而家佢身分唔同咗，要代表香港喇，相信佢之後好多場合要篩選過，因為責任唔同咗！」

林鈺洧是林俊賢和第一任太太陳志敏所生的愛女，可惜兩人在鈺洧不足一歲就已經決定離婚，鈺洧一直在單親家庭成長，直至14年的那年，兩父女才透過網上相認兼不時約會見面，重修關係。林鈺洧曾經在訪問中表示由細到大都習慣了沒有爸爸，但對林俊賢沒有任何怨恨，也感激媽媽辛勞將她湊大成人。林俊賢在訪問中說：「遺憾呀，嗰時處理得唔係咁好，中間空咗一段時間（沒有相處），而家ok都幾好。（會唔會抽時間陪伴？）唔使專登，但有時間一定會見面！」

林俊賢冇濾鏡影片被踩「衰老」 女兒林卓錡為父出頭：畀啲口德【下一頁】

{{hket:inline-image name="4c6f9b33gy1g8h650awvzj20u013zn0b.jpg"}}{{/hket:inline-image}}

林俊賢重申自己沒有如傳聞一樣退出娛樂圈，一直有繼續演藝事業，「我都覺得好奇怪，從冇講過退出，有機會或者有時間都會參與拍攝，今年TVB其中一個劇集監製係我同期訓練班同學，有搵過我返去拍，不過後來暫停咗，而我國內有兩個劇同一個電影，非常遺憾接唔到。」他表示不會排斥父女檔上陣拍劇，問到對林鈺洧的期望，林俊賢說：「大家對佢關懷愛護，照顧咗佢咁耐，就繼續幫我睇住佢，而家佢有咗份責任，可以擴闊自己眼界。香港朋友幫我睇實佢，多啲畀意見佢！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉