林俊賢冇濾鏡影片被踩「衰老」 女兒林卓錡為父出頭：畀啲口德

現年61歲的林俊賢（Wilson）曾活躍於影視圈，於1980年代末期與周星馳、梁朝偉、黎明、劉青雲以及溫兆倫等並列TVB一線當家小生，有型靚仔、而且身形高大令佢成為唔少老中青嘅男神。不過近年Wilson唔多喺香港露面，選擇定居內地，仲跟上潮流玩抖音同內地網民分享佢嘅生活點滴。

同場加映：G風暴丨鄭嘉穎遇上陳凱琳沒後悔遲婚 「做爸爸令我學習耐性同變通」

{{hket:ul-video id="4960"}}{{/hket:ul-video}}

{{hket:inline-image name="4c6f9b33gy1fcqzd1bbg1j21kw2d04k8_600.jpg"}}{{/hket:inline-image}}

不過日前佢post出一段短片，睇落就滄桑咗唔少，不過男人魅力爆燈嘅佢冇加濾鏡，完全唔怕將自己最真實一面展現喺大家眼前！有網民驚訝林俊賢好似「一夜白頭」，突然間好似老咗好多咁，話認佢唔到；不過更多嘅係讚賞佢唔會整色整水，例如︰「優雅地老去」、「自然就好，不像別的男藝人搞得像個蛇精男」、「比年輕時更有男人味，耐看」。

而同佢失散多年的女兒林卓錡（Denise）（前名林鈺洧），見到爸爸被踩「衰老」，就喺IG為父出頭，仲叫人「有返啲口德」。佢喺IG撰長文：「雖然同我爸爸感情唔係好深。但係見到報道咁寫真係覺得好乞人憎。人哋都唔喺香港發展，喺大陸做嘢都要俾你咁寫？關你咩事？人老咗冇以前咁好睇係正常。香港啲記者可唔可以唔好大驚小怪？女藝人著少啲又要寫，多咗條皺紋又要寫，肥咗又要寫。寫還寫啲字眼可唔可以好聽啲？可唔可以有返啲口德？係你眼中唔係好睇嘅標準仲要寫到一文不值？」為父親抱不平。

林俊賢經歷過兩段婚姻，第一段婚姻最後只維持了一年多，太太便提出分開，仲帶埋阿女走：「佢（阿女林鈺洧Denice）嗰陣只係得一歲零三個月。都冇話係咪佢（前妻）提出撫養權嘅，咁唔通我同佢爭咩？我嗰陣時嘅心態都未大得晒，我都唔識選擇。」

{{hket:inline-image name="2_n.jpg"}}{{/hket:inline-image}}

後來林俊賢喺第一任前妻安排下再見番大女，對方已經係一個七歲嘅小童。不過當時只係相處咗幾個鐘頭，佢形容當時阿女對佢嘅感覺好陌生。直到約11年前，林俊賢喺朋友同第二任前妻協助下喺facebook再次同大女Denice聯繫上。最後父女相約了出來見面，林俊賢大讚阿女生得靚，講嘅時候笑得好冧，睇得出佢好為Denice自豪。而家兩人關係就似老友一樣。

【多圖】林俊賢與女失散多年網上尋親 兩度輸身家兼離婚飽歷滄桑【下一頁】

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：黃蘊姿