麥明詩與上流名媛劍橋同學慶生 何猷亨前女友曾為林作助選

麥明詩（Louisa）自從淡出娛樂圈之後經常周遊列國，去完美國又去新加坡，冇耐之前先返到香港。日前Louisa盛裝出席好友生日飯局，而佢呢位朋友嘅來頭都唔小，除咗係佢同前男友林作嘅劍橋大學同學之外，仲係已故賭王何鴻燊四房大仔何猷亨嘅前女友陳可欣（Sabrina）。Louisa身穿吊帶短裙大騷好身材，喺維港景色前面坐着著擺好甫士，露出一雙白滑長腿，一啲都冇被比下去！

同場加映： 鄭伊健爆被團隊勸服再開紅館騷 嘲太太蒙嘉慧：佢係強壯唔係肥

{{hket:ul-video id="6664"}}{{/hket:ul-video}}

Louisa呢位朋友陳可欣（Sabrina）出身富裕，同麥明詩係大學同學，認識唔少圈中嘅名人。Sabrina曾經喺2015年成為林作參選區議員嘅助選團，故此兩人都認識。據知Sabrina已婚，上年仲曾經爆出疑似偷食事件，林作當時都有「幫口」回覆：「佢係良家婦女，有高學歷，咁高質冇諗過會咁瘋狂。」

{{hket:inline-image name="y2D4bsO.png"}}{{/hket:inline-image}}

2012年Sabrina以女友身分陪保良局籌委主席何猷亨出席《The Night of Dreams慈善晚會》，當時何猷亨母親梁安琪、胞姐超盈、胞弟猷君及胞妹超欣舉家都有去支持。猷亨仲向女友發表愛的宣言：「我最愛係Sabrina，我唔會鍾意第二個女仔！」而Sabrina表示初時不知男友身分，並大讚男友：「佢好有風度又孝順。」

至於四太當時則表示賭王十分喜歡Sabrina：「話佢後生又聰明，仲叫佢『敷Mask』，即係滿分（Full Marks），又靚又叻！」