何雁詩甫囝囝相被寸「公開又遮樣」 我行我素瀟灑回覆粉絲勁Buy

何雁詩（Stephanie）與老公鄭俊弘（Fred）今年造人成功，6月份順利誕下B仔Asher 。榮升媽媽嘅Stephanie不時happy share佢嘅湊仔日常，同時好保護囝囝私隱，從來都冇畀阿仔露面，早前佢出IG帖文，係一輯囝囝同小狗嘅日常照片，但竟然有網民留言「寸」！Stephanie不甘示弱一句回贈令對方收口。

同場加映：鄭伊健爆被團隊勸服再開紅館騷 嘲太太蒙嘉慧：佢係強壯唔係肥

{{hket:ul-video id="6664"}}{{/hket:ul-video}}

Stephanie產後將囝囝放第一位，佢分享囝囝同小狗嘅日常，留言：「話說huphup（狗狗）一直都驚小朋友，所以係我懷孕時候都好怕佢會唔開心。點知BB出世之後，佢係出乎意料地愛錫BB。嗰種愛錫唔係成日要同佢玩嗰種，而係默默地陪住佢嗰隻。嗰日我負責睇住BB，爸爸喺房休息緊，喺我去咗洗手間時候BB甩咗奶嘴仔喺度喊，huphup即刻入房吠爸爸叫佢幫拖。屋企多咗一位新成員，更加需要畀多啲attention屋企愛寵，因為呢個轉變，相信對於佢哋嚟講都唔容易。」

{{hket:inline-image name="300626593_182654257568868_6206980632997758079_n.jpg"}}{{/hket:inline-image}}

原本成件事好溫馨，不過就有一位網民腰膶留言：「又要公開又要遮樣，哈！」Stephanie冇任得呢位網民喺佢主場放肆，反擊：My Instagram my choice.（我的IG我決定放啲乜嘢）。唔少人都畀like畀Stephanie呢個咁瀟灑嘅回應，有人表示認同，大讚囝囝、狗狗嘅互動好sweet好可愛，希望佢繼續post多啲咁話呀！

另一個重點就係Stephanie嘅少女身形，產後4個月極速fit，回復產前體重。好方曾稱因佗B時只重了咗17磅，亦一直有做運動，真係非常勤力兼得天獨厚。

佢大讚老公鄭俊弘是個湊仔好幫手，又讚BB旺老公，出世之後多咗搵錢機會及劇接劇；男方仲喺太太產後約一個月問「幾時追多個女」，但佢就想休息夠再作打算。

撰文：黃蘊姿

圖片來源：Instagram