太古「全麵關心你」配對捐贈 慈善價$50

買麵都可以做善事！黛安講緊嘅係由太古地產策動嘅「全麵關心你」配對捐贈計劃，希望大家可以一齊推動互助關愛，響應惜食就要一齊食嘅共享精神。黛安聽聞，只要善長買1盒全麵，「全麵關心你」就會配對捐1盒畀社區，品嘗美食之餘仲可以行善。

呢個計劃已踏入第3年，今年仲請到太古城中心商戶誠品書店合作，共同懷着對美好社會嘅追求及實踐、搜羅健康食材、構思煮食靈感。每盒全麵內有4款產品，包括田園刀削麵、黃金地瓜麵綫、鮮魚酥，以及為慶祝太古地產50周年，隨盒加送嘅島嶼製作創意鐵木螺旋筷子1對，慈善價售$50，10月14日至23日，可到誠品生活太古店取貨。

配對所得食材將捐畀香港基督教女青年會及聖雅各福群會眾膳坊食物銀行，與有需要社群分享。訂購可瀏覽https://cloud.edm.swireproperties.com/NoodlesForLove2022。