中環街市創意畢業展 體驗青少年「好心情」世界

除咗身體健康，心靈健康都好重要，黛安知道，社創單位「加減乘除」與多間機構合作嘅青少年生命藝術共創計劃「生命不加索」，即日起至下月2日會喺中環街市1樓INNO Expo舉行《玩創好心情藝術展》畢業展覽，畀市民感受同理解過去1年間參加計劃嘅青少年嘅內心世界。

參加不同工作坊

畢業展分為「探索」、「經歷」及「表達」3大展區，分別展出逾200件學生嘅藝術作品，大家可從中感受佢哋嘅故事；另外亦可去「玩創你個樣」互動打卡位，用磁石拼湊出代表自己嘅獨特公仔影相留念，或前往用超過40個退役可樂膠盤組成嘅「好心情可樂樽」體驗區，換領「好心情提醒」同其他精美紀念品㗎。

展覽期間，大家更可到網上登記參加不同「藝術『自』療工作坊」，包括「心靈藥盒」工作坊、「掛住小確幸」工作坊等，用簡單材料製作充滿藝術感嘅作品或飾物，費用全免，額滿即止，報名詳情可【按此】瀏覽。