聲夢傳奇2｜彭家賢Zayden憶《造星II》首輪被Foul信心盡失 靠儲蓄追夢感謝家人無限量支持

《聲夢傳奇2》於本周六（24 日）晚八點半翡翠台播出準決賽十強之戰下半部分！根據賽制，準決賽對戰組合根據錄影當日「學員人氣榜」最新排名、順序由第一至第五名對戰第六至第十名。今集出場有人氣榜排名第三位的XiX（演唱《Nobody》），排名第八位的趙頌宜Maggie（獻唱《精神分裂》）、排名第三位的趙小婷Pamela（演繹《電燈膽》）、排名第五位的黃洛妍Janees（選唱《溝渠暢泳》）及排名第十位的彭家賢Zayden（獨唱《阿士匹靈》）。 本集焦點是「最強鬥最強」終極對決。

同場加映：一路瞳行丨吳千語經歷反叛期母女關係更好 與施伯雄感情穩定：我唔會放閃

{{hket:ul-video id="6545"}}{{/hket:ul-video}}

Zayden雖然自節目播出以來，表現低調，其實是潛藏實力股，在過往每一場對戰均獲得勝利，就連「聲夢大魔王」Janees也是其手下敗將。昔日對手，如今舞台上再度火併；Janees一身狂野露腰霸氣裝束，未開聲已贏氣勢，Zayden衣著亦不輸蝕，配合《阿士匹靈》以道具藥箱的「加持」，唱到「典地」的台風，要觀眾好好享受視覺+聽覺盛宴。

{{hket:inline-image name="707.jpg"}}{{/hket:inline-image}}

同為唱得之人的Zayden及Janees各有故事，前者有豐富街頭busking經驗，於ViuTV節目《全民造星II》的第一輪比賽中遭淘汰出局，令其信心盡失，他憶述︰「（比賽前）覺得自己點都去到咁上下先畀人foul啩，點知第一輪就畀人foul！之後有諗過放棄。」 現時全靠儲蓄back up經濟的Zayden，公開感謝家人支持，「屋企人叫我真係唔掂嗰陣，要同佢哋講。」導師林奕匡聞言，以其「低谷」經驗勉勵對方， 「我嗰時寫《高山低谷》，正係我人生最唔開心嘅時候，唔知將來係點樣，積蓄又冇晒...有人同我太太講，『好擔心Phil，佢會唔會做番幕後就算？』我聽咗有啲心悒，我就將呢種感覺化為力量，證明畀人睇，我得嘅！」

Janees在參賽歌曲中投射真實的痛愛經歷，原來她曾陷入渣男陷阱，「佢係第一次帶我嚟長洲嘅人，一個我好喜歡嘅人...佢用盡方法傷害我，包括背叛同精神上嘅暴力，仲會用好多方法反客為主，令我覺得受到屈辱，係我自己攞嚟！我明知自己會唔開心，會受傷，都要衝埋去，我嗰時仲係好陶醉...」

到底痛愛經歷能否彌補她一貫「感情不夠細膩」的弱點？令表演有所突破？Zayden又會否創驚人賽果，唔聲唔聲再度擊敗魔王級對手？

{{hket:inline-image name="8.jpg"}}{{/hket:inline-image}}

{{hket:inline-image name="567.jpg"}}{{/hket:inline-image}}

圖片來源：大會提供

聲夢傳奇2｜金永衡豪宅內貌裝修高雅似皇宮 今屆學員唔少人出身非富則貴【下一頁】

撰文：娛樂組