譚嘉儀媽咪姐夫服侍入樂園做貝兒 被指違反迪士尼規則：不可扮公主

歌手譚嘉儀冇幾耐之前過咗佢嘅34歲生日，喺圈中人緣唔錯嘅佢連日都分享咗唔少慶生靚相，生活非常多姿多采。日前佢又去到迪士尼樂園玩，佢留言指自己喺樂園做咗一件好大膽嘅事，就係喺樂園入面扮公主，不過就因為咁引起網民討論。

同場加映：Summer Girls丨張明偉陳思圻靠自己無悔離巢無綫 節目撼港姐：良性競爭先有火花

{{hket:ul-video id="6643"}}{{/hket:ul-video}}

譚嘉儀先係Post咗一批佢喺城堡前着便服影嘅相，留言：「Hi Disney 😝 it’s me again.今次做咗一件好大膽嘅事..究竟係咩呢？遲啲揭曉！By the way , 新煙花匯演好靚呀！」之反佢就再post出自己扮成《美女與野獸》中貝兒公主打扮嘅相，留言：「真係好大膽，30幾歲人，仲喺度扮公主呀！為左﹙咗﹚拍Reel 可以去到幾盡。」佢仲表示有小朋友話佢係假公主，令佢非常尷尬。而佢呢身打扮，係入到樂園先更換，要多得媽咪同姐夫幫手收衫。

{{hket:inline-image name="c4f48b9f0afdf7973f826d89cadf573a.jpg"}}{{/hket:inline-image}}

唔少網民都大讚佢童顏，扮公主一啲違和感都冇，又靚又夢幻，譚嘉儀仲話有小朋友以為佢係工作人員，還原度好高呀！不過就有網民指出，譚嘉儀扮公主有機會違反園方規定，留言：「16歲以上人士到迪士尼不可以扮公主！」

其實之前都曾經有網紅喺迪士尼內扮演公主，被園方要求換衫，而當時迪士尼都有回覆傳媒查詢，表示唔建議大家扮迪士尼人物角色：「賓客在樂園自行扮成迪士尼人物角色，有機會被錯認為樂園演藝人員或樂園代表，對其他賓客及樂園運作構成影響，故建議賓客穿着不影響樂園運作的衣服及裝扮方進入樂園。」

圖片來源：Instagram