卡通家電家品登陸7仔預購 小熊維尼•LINE FRIENDS‧勞蘇‧輕鬆小熊

7仔預購每次引入嘅產品都令人有驚喜，黛安打聽到，今期佢哋為大家準備咗一系列可愛嘅小熊維尼家電及電子用品，包括小熊維尼無綫鍵盤、無綫滑鼠、2合1鏡面時鐘及無綫吸塵器，由胖胖呆萌嘅小熊維尼陪住喺屋企做嘢，真係心情都好啲！

除咗小熊維尼，仲有KAKAO FRIENDS、LINE FRIENDS minini陶瓷砂鍋，同埋勞蘇地毯、勞蘇圍裙隔熱墊套裝等，造型可愛又實用嘅廚房用品，除咗可以點綴家居，更可以令大家輕鬆享受下廚樂。

今期7仔預購更為輕鬆小熊嘅粉絲帶嚟表情造型陶瓷煲、小白熊與士多啤梨貓系列縮骨遮及成人立體口罩等。預購日期由今日（21日）早上7點起至10月4日，黛安都準備去入貨呀。

各款預購產品取貨期由10月25日起至12月20日不等，例如預購小白熊與士多啤梨貓系列成人立體口罩，最快可於10月25日取貨；想買小熊維尼無綫鍵盤、無綫滑鼠、2合1鏡面時鐘及迷你無綫吸塵器，取貨日期則由11月1日至7日。要買心頭好，當然要畀啲耐性啦，詳情可參考7仔預購網站。