黃庭鋒近日接受陳敏之的YouTube Channel邀請做訪問，大談他當教師時的有趣事，而經常被形容是幸運兒的他坦言初入行都有面對過低潮。庭鋒俊朗的外表入娛樂圈前做教師，不過第一次實習之後就決定不再教中學，他形容當年：「三星期實習不停教書，有人嚟審核評分咁樣，上咗大約一星期堂，有女同學喺二樓定三樓嗌落嚟，大聲問我攞e-mail，大佬點答你呀？校長就喺我身邊！」
同場加映：張頴康磨劍22年迎戰男演員黃金時期 「每次演出我都當係男主角咁做」
愛回家丨黃庭鋒客串大師老妝驚變華英雄 靠《好聲好戲》經驗扮聲：幾好玩【下一頁】
黃庭鋒指自己嚴守規矩沒有跟學生有任何私下的接觸，就算學生問他要Facebook，他都講大話稱自己冇玩。他直言壓力之大，令他轉教小學，但原來一樣有小學的家長向他「抄牌」，令他大為尷尬。
庭鋒表示決定轉行時，跟父母坦言是最難的時刻，他稱入娛樂圈是身邊全部人都反對，家人都不例外。「家人會驚娛樂圈係大染缸，而且我本身教緊國際學校工作好穩定，收入唔錯，佢哋聽到入娛樂圈一定反對。佢哋會擔心我由零開始又冇後台，就咁走入去，會點樣呢？」他直言轉行是因為沉悶，見到他的上司主任，有感自己廿年後就會變成這樣，實在太怕悶足人輩子。
屯天元大停電丨黃庭鋒屋企冇水冇電暗中作樂 露台睇Netflix：鍛煉心靜自然涼【下一頁】
提到入行初期的辛酸期，庭鋒憶起第一次拍劇，他跟一名模特兒等待拍攝，當時飾演賊人的群戲，導演上前大聲說：「搵個似人樣嘅嚟！」最終選了庭鋒旁邊的模特兒，他說：「冇揀到我，即係代表我唔似人樣啦？臨時演員都係演員，但你真係感受到佢哋成日會被人鬧，搞到連行個路都驚。」他表示當時被要求將槍口塞入姜大衞的口入面，令他倍感戰戰兢兢，幸好最終姜大衞細心指導下完成動作，但他就留下陰影，「嗰段時間令我反思，到底呢條路點行落去？嗰段時間好迷茫，教書好有方向，但演戲係等機會，完全冇得預計，人哋覺得我好幸運，但我所有都有經歷過。」
至於最後悔的事，庭鋒坦言最後悔是沒有多踢幾年英超的青年軍，當時他是亞洲唯一一名代表，不過踢了很短時間就離開。「絕對後悔，我唔係後悔我而家嘅工作，而係我覺得應該玩兩、三年，多體驗一下。」
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
責任編輯：楊安莉