星光路上｜黃庭鋒敢於挑戰無悔棄教鞭入行 憶拍《香港原味道》嘗盡甜酸苦辣

黃庭鋒入行7年，除了在新劇《OPM》中首次擔任男主角外，早前更被無綫安排到北京採訪冬奧，備受力捧。黃庭鋒返港後接受娛樂新聞台《星光路上》訪問，講到自己嘅演藝生涯，笑稱是「峰迴路轉」，雖然係好精彩，但一啲都唔易過：「譬如我喺拍《香港原味道》時中暑；冬奧時上高山做採訪凍到又暈咗啦。 」

{{hket:inline-image name="01.jpg"}}{{/hket:inline-image}}

同場加映：丘梓謙演蔥頭圓韓團夢無懼負評 與麥皓兒姊弟戀8年話題不斷

{{hket:ul-video id="5463"}}{{/hket:ul-video}}

談到是次採訪冬奧最大得著，庭鋒坦言是得到很多千載難逢的機會：「今次係我第三次做奧運，仲係第一次喺當地做主持，最大得著係可以同世界各地選手傾偈，好似羽生結弦、谷愛淩等，呢啲都係好多人都好想有嘅機會。」

{{hket:inline-image name="273877998_1606511576378876_374386171747141867_n_600.jpeg"}}{{/hket:inline-image}}

黃庭鋒自小已與體育結下不解之緣，他指自己受爸爸影響，5、6歲就已經熱愛足球，喺英國讀書時加入過足球隊受訓。原本更有機會成為職業足球員，可惜最終因為學業被迫放棄， 庭鋒笑言做人要學會向現實低頭：「命運好多時都已經安排好咗，唔係話唔放棄就得，同埋好多嘢可能有更好嘅安排等住我！」黃庭鋒最後因掛住在香港的家人及朋友，所以決定返港讀大學。

回港後他在中文大學修讀體育系並獲得碩士學位，更曾擔任體育老師。他說：「其實我幾啱做體育老師，自己好鍾意小朋友，不過好快就想要挑戰，無理由做兩三年，唔想咁快就好似等退休咁，所以想搵啲人生目標。」 

{{hket:inline-image name="03.jpg"}}{{/hket:inline-image}}

問到入行契機，黃庭鋒就指在學校任教時，其中一位學生的家長是陳芷菁，在她的介紹下而加入TVB。「佢囡囡畢業嗰日，佢同我講其實你都幾適合做幕前呢行，佢就介紹咗人畀我識，就順利入咗呢行。」他又指自己無悔棄教鞭入行的決定，「無後悔過當年無教書，我覺得人生係要有好多嘗試，好開心可以而家做到主持同演員。」

從教育界走入演藝圈，庭鋒還是與「運動」有著不可分割的淵緣，首個幕前工作已是主持2016年的里約奧運，庭鋒坦言甚有挑戰：「一開始以為剩係喺廠度做啲精華報導、奧運小知識，點知原來係嗰兩個禮拜做足咁多場Live，嗰時唔知係咁，一來冇停過、二來有時差、三來其他人係好有經驗嘅主持，好似插唔到嘴咁，攞唔到個節奏，溫咗好多書都用唔到。完咗嗰兩個禮拜，就好似過咗十八銅人咁，咩事都難唔到我。」

不少觀眾認識黃庭鋒都是因《香港原味道》這個節目，庭鋒是固定班底之一，做足5輯，由新人演變成大師兄。他卻直言拍這個節目最辛苦。「每一次拍完節目都會問自己點解，頭三輯都未有呢個想法，係去到第四輯，導演加咗一Part『種出原味道』畀我，嗰一個月要照顧一畝田，由零去到種菜。但最辛苦係被蚊咬到腫晒，同中暑，真係甜酸苦辣。」

由主持體育同資訊節目，慢慢演變到成為演員，黃庭鋒在首部劇集《守護神之保險調查》中扮演男飛魚，同歐鎧淳有對手戲；到後來嘅《愛美麗狂想曲》仲有《把關者們》，令佢嘅演技開始為人讚賞。他在後者與劉佩玥扮演年輕夫妻，演技被讚；之後嘅演出戲份亦越嚟越多，更在新劇《OPM》中首嘗男主角滋味。

北京冬奧｜黃庭鋒因低溫及高山反應暈倒送院 梁芷珮急頂上：「辛苦了 撐住呀」【下一頁】

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】