羅密歐與祝英台︳陳茵媺隔離後復工 新劇造型曝光 爆陳豪要求家人戴口罩瞓覺

陳茵媺囡囡Camilla和家中傭人上星期確診，她同老公陳豪列為密切接觸者，需要居家隔離7日，再度合作的時裝愛情新劇《羅密歐與祝英台》要停工。昨日（14日）陳茵媺完成隔離出關，回到劇組開工，TVB娛樂新聞台派員採訪，令其造型曝光。

{{hket:inline-image name="09151001.jpg"}}{{/hket:inline-image}}

{{hket:inline-image name="09151002.jpg"}}{{/hket:inline-image}}

同場加映：張頴康磨劍22年迎戰男演員黃金時期 「每次演出我都當係男主角咁做」

{{hket:ul-video id="6511"}}{{/hket:ul-video}}

陳茵媺自2014年劇集《單戀雙城》及《叛逃》後，未有再拍TVB劇，專注照顧家庭。2016年接拍了電影《開飯啦！》及《某日某月》，相比電視流水作業的拍攝形式，輕鬆得多。相隔8年，她重返電視台，夥同老公陳豪、周嘉洛、游嘉欣、羅毓儀、鄺潔楹、江美儀及鄭子誠等，拍攝陳維冠監製的新劇《羅密歐與祝英台》（暫名）。

陳茵媺6歲細女疑被家傭傳染確診新冠肺炎 陳豪兩公婆需隔離新劇即時停工【下一頁】

陳豪、陳茵媺自《天梯》定情，這次以夫妻檔上陣，分飾梁山伯與祝英台，令此劇頗受外界關注，可是開工不久即停工，皆因上星期陳茵媺個女Camilla確診，兩公婆被列為密切接觸者。昨日陳茵媺隔離完畢，火速復工，她的「祝英台」造型亦曝光，原本留到膊頭的長頭髮已剪短，加上略為中性打扮，右手手背又有紋身圖案，感覺硬朗；見她神情嚴肅帶住游嘉欣、羅毓儀，去搵鄭子誠一方追究，十足霸氣大家姐。

（↓點擊放大睇圖片↓）

問到隔離感受，陳茵媺說：「感受好深呀！幾辛苦吓，一個經歷啦，同埋好忙。（全家好驚恐？）有少少，始終係小朋友病，驚互相傳染，又或者3個小朋友中招又點呢？所以全程戴住口罩瞓覺！阿Mo要求呢樣嘢，一定要做，又猛噴酒精。阿Mo負責湊細女，我就負責照顧兩個仔，要5點半清潔、煮飯，搞到12點半先至瞓覺。 （Camilla而家點情況？）佢OK呀，好彩佢幾堅強，係發好高燒囉！頭幾日真係有啲辛苦，小朋友復原得幾快，幾日就OK冇事，好好彩。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】