陳茵媺陳豪周末坐直昇機「度假」 招積囡囡驚到變冏樣超萌搶Fo

現年41歲嘅陳茵媺（Aimee）自從嫁咗畀陳豪之後就專心喺屋企相夫教子，甚少喺幕前出現。雖然唔使出鏡，但Aimee而家keep住弗爆身形，一啲都唔似三孩之母！近日Aimee炫耀一家人去酒店Staycation嘅靚相，老公化身龍友幫佢狂影沙龍留倩影，全家仲坐上直昇機遊香港，非常盡興！

同場加映：I SWIM丨魏浚笙係星爺迷參考其電影演戲 袁澧林唔想另一半太靚仔冇安全感

{{hket:ul-video id="6171"}}{{/hket:ul-video}}

{{hket:inline-image name="1.jpeg"}}{{/hket:inline-image}}

Aimee一家人好似出咗埠度假咁款，喺酒店泳池邊開餐，網上圖片中，Aimee亦有換上bikini，完美纖腰同白滑長腿盡收眼底，佢透露相片、影片都係由老公陳豪操刀，一班仔女就乖乖喺旁邊等佢影靚相，認真抵錫。昨日Amiee又post一張近距離自拍，41歲嘅佢疑似全素顏，依然見到皮膚有滿滿嘅骨膠原，好有少女感。

既然係Family Staycation，Aimee又點會淨係掛住自己打卡？佢仲另外安排咗一家人坐直昇機遊香港！Aimee拍片並留言：「Very fun！Weekend helicopter ride.（非常有趣，周末直昇機遊。）」片中見到坐媽媽對面嘅大仔Aiden好淡定，對鏡頭say hi；傍住Aiden嘅陳豪都舉機自拍，非常投入；而住媽媽右邊嘅二仔Nathan就好專心咁望窗外嘅風景，完全唔知側邊發生緊咩事。而最搞笑嘅莫過於平時招招積積嘅細女Camilla，唔知係咪因為太驚，一直都皺起眉頭，變咗冏樣，仲撓實媽媽唔放，非常可愛。網民都話好羨慕佢一家咁溫馨，而Camilla仲越大越似媽咪，越大越靚女。

圖片來源：Instagram

撰文：黃蘊姿