黯夜守護者丨楊凱博演反叛青年與陳煒多對手戲 罕有童星由細演到大：想做張家輝

劇集《黯夜守護者》自播出以來，反應不錯，觀眾大讚跟以往的警匪劇不太相似，而且今次起用不少新演員，帶來一定的新鮮感。劇中飾演陳煒兒子的演員楊凱博（Nono），相信觀眾對他都不陌生，事關過往他參與很多劇集演出，觀眾幾乎睇住佢大。如今Nono已經16歲，更與「媽媽」陳煒有不少鬧交冷戰的場面，戲份多而且發揮得不錯，大獲好評。

同場加映：《愛回家》書蟲疫市中環開餐廳 森林系主題望Chill住重振夜生活

{{hket:ul-video id="6509"}}{{/hket:ul-video}}

黯夜守護者│陳煒演粗豪Madam查案夠貼地 與袁文傑25年後續情緣再做情侶【下一頁】

{{hket:inline-image name="wai2.jpg"}}{{/hket:inline-image}}

{{hket:inline-image name="wai4.jpg"}}{{/hket:inline-image}}

{{hket:inline-image name="wai3.jpg"}}{{/hket:inline-image}}

Nono小小年紀就開始拍劇，在《乘勝狙擊》、《天命》、《城寨英雄》、《特技人》、《大步走》等等都先後演出過，現時兼職做演員和模特兒。本身有武術根底的Nono曾經以「香港太極青年團」代表的身分，出戰日本，著名武術運動員李暉正是Nono的師傅。Nono最令網民留下深刻印象的是一個廣告的Cap圖，大家都用來做「萬能Key」，連Nono都用這張Cap圖做IG的頭像圖片。

Nono的家長接受《晴報》電話訪問，提到今次同陳煒鬧交戲比較多，會否有困難？她說：「唔難演，因為煒哥會教佢、幫佢入戲。導演、幕後都不斷有教佢，解釋畀佢聽點樣做會比較好，叫佢自然啲，可以做番自己。其實佢好幸福、好幸運，有咁多人教佢畀意見佢。」Nono跟一般的童星不太一樣，事關很少童星可以由細演到大，部分童星由於到青春期時會「變聲」或者發育，長大後都未必會繼續演戲，但Nono卻找到自己的路向，幾乎每年都有劇集推出，家長表示Nono很喜歡演戲，「佢好鍾意，越有得發揮，佢就越喜歡，不過佢都知自己演技有好大嘅進步空間，呢啲都係需要慢慢學習、磨練，經驗係要累積。有時佢拍完返屋企都會同我講：『哎呀，頭先應該用某某某或者第二啲演繹嘅方法好過啦！』咁。」

【降魔的2.0】豪仔小馬再次因晶晶化敵為友 童星鄭耀軒楊凱博演出經驗豐富【下一頁】

{{hket:inline-image name="275918708_452062110003208_4441227125577098813_n.jpg"}}{{/hket:inline-image}}

{{hket:inline-image name="275927128_332447355371866_4820685643311831421_n.jpg"}}{{/hket:inline-image}}

Nono現時16歲讀緊中五，明年就要面對DSE考試，會否可以分配拍劇和做功課的時間呢？Nono家長說：「暫時都可以，因為公司好好，會同Nono就期，知道佢返學都盡量就，又唔會要佢請假，非常細心。（將來志願想做演員？）佢好似話想做幕後多啲，如果係幕前佢就希望成為張家輝，成為一位名演員！」

Nono拍劇多年，已成為觀眾熟悉的童星，照常回校上課時會否會成為風頭躉？Nono家長笑言：「唔會，因為學校對佢都已經習慣晒，由一年級到而家中五都冇轉過校，佢由一年級已經開始拍攝，學校同同學都已經慣晒啦！（明年DSE會減少接劇應付？）早啲預備，早啲讀，裝備自己先最為重要！」Nono多年拍劇的經驗，令他跟台前幕後都成為朋友，不時跟羅天宇、許家傑、蘇皓兒、張詩欣等一齊打籃球，老友鬼鬼。

{{hket:inline-image name="241088909_982671845639996_836660683745355519_n.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

責任編輯：楊安莉