脹爆蔡濟文昔日拒亮相流行經典 願為好友黃寶欣改口復出

80年代末、90年代初出道的歌手蔡濟文（蔡仔），憑《望窗的季節》、《Say Yes》及《慢慢地陪著你走》等為人所熟悉，有指2018年《流行經典50年》曾誠邀他出山邀唱，可是蔡仔卻不為所動，反而閃現同期何婉盈搞的「經典同學會」聚會，被發現身形勁發福，樣貌十足翻版王晶。日前港台《香江暖流》主持人陳永業、袁梓珮訪問黃寶欣，蔡仔驚喜接受電話訪問，原來他為好友改口「復出」，為撐黃寶欣最新推出的靚聲碟，在碟內合唱了新版本的《大會堂演奏廳》，但講明「賣藝不賣身」，不會親身出來宣傳。

同場加映：張頴康磨劍22年迎戰男演員黃金時期 「每次演出我都當係男主角咁做」

{{hket:ul-video id="6511"}}{{/hket:ul-video}}

{{hket:inline-image name="09052003.jpg"}}{{/hket:inline-image}}

{{hket:inline-image name="_2018060217113023670_600.jpg"}}{{/hket:inline-image}}

節目最初訪問黃寶欣，對於繼1992年推出個人專輯《有緣相愛》後，相隔30年才有新大碟面世的感覺，她說：「可能覺得嗰陣時已經冇人想再聽我唱歌，嗰段日子就去轉型，轉咗落去家庭嗰度，完全中斷咗（歌唱事業），因為兼顧唔到咁多嘢。（今次是甚麼驅使再唱？）我諗呢2、3年嘅沉澱，你會諗咗好多嘢，我係咪要為自己做啲嘢？上一次有講話喺平台做直播，拍一啲視頻出嚟，之後增加咗自信心、啲感覺返番嚟。久唔久唱片公司老闆搵我喺復刻版唱片簽名，最後嗰次我就話而家OK，於是開始籌備出新碟。」

【男神崩壞】蔡濟文退隱廿年驚變肉面飛龍 娶陳珮珊齊齊搞燈飾生意【下一頁】

黃寶欣指發燒碟內大部分歌曲由她挑選，最主要屬男歌手作品，因為演繹時可以完全擺脫原唱影子。至於覺得最難演繹是哪一首歌？她說：「《大會堂演奏廳》真係好難，我自己覺得好難唱，因為我係同一個人合唱，係將獨唱歌變成合唱歌。合唱者係我求番嚟，佢話『賣藝不賣身』，只會供應佢把聲出嚟，就唔會出現嘅，因為佢都神隱咗廿幾年。」原來這位「賣藝不賣身」的男歌手正是蔡濟文，1999年他到上海打理家族生意，才正式退出娛樂圈，2002年同前TVB女藝人陳珮珊結婚。問到如何打動好友出山？黃寶欣說：「其實一路都有見面，但係冇諗過自己再出唱片，再出當然第一時間搵佢啦，佢係冇托手踭。」誰不知這日蔡仔隔空撐老友，透過電話做訪問送驚喜。

【牛下女高音】91年經典金曲 《Home Alone》再現 鄭敬基點解同伊健蔡仔合唱？【下一頁】

蔡仔透過電話表示：「寶欣出到聲，我就第一時間跳出嚟啦，畀機會我唱歌喎，多謝寶欣！（相隔廿幾年錄新歌有何感覺？）好多舊時回憶出晒嚟，從來冇諗過再入錄音室，自己冇呢個計劃同想法，真係多謝寶欣提出。（首歌是否很難唱？）對我嚟講都難，好耐冇入錄音室錄歌，又唔知自己把聲得唔得，首歌又有高音。之前應承佢都好緊張，若果唔得就大件事，後來佢都側側膊接受。」

（↓點擊放大睇圖片↓）

追問他會否唱出癮而復出？蔡仔話：「多謝先，咁抬舉我，其實唱歌不嬲都有癮，但係呢刻唔會要大家受罪去聽我。而家睇好多新一代唱歌真係好勁，要我出嚟都冇咩膽量，佢哋又唱得又跳得，比起我哋以前係有過之而無不及，真係好厲害。（太太仍是陳珮珊？）係，係，永業都同佢好熟㗎。（繼續為夢想奮鬥？）只不過係好現實，要工作，而家做生意為主，人生去另一階段，以前係好值得回味、回憶，而家做番呢個階段要做嘅嘢。（仲有機會再闖樂壇？）或者留番畀我啲仔女，好似都有啲天分，音好準，細細個時播我啲歌，佢哋會話有啲似爸爸，問我呢個邊個嚟？話把聲唔似而家。再問唱得好唔好聽，佢哋話唔好聽，話佢哋唱得好啲。（會否父女檔或父子檔上台？）目前冇呢個計劃，細路仔睇佢哋自己，鍾意做咩都得，冇咩所謂。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】