無家者｜露宿者疫下日子雪上加霜 有人中招怕傳染街友四圍避

疫情下經濟不景，本港無家者人數亦愈來愈多，由2014年的780人增至1,581人，他們在疫情下要面對更多挑戰。社區組織協會調查發現，有57%無家者曾因為體育設施關閉而無法梳洗，另有近4成人因晚市禁堂食，未能在原本露宿的連鎖快餐店休息，有3成多人擔心社區露宿會增加染疫風險。

第5波疫情下，輕症病人開始需要在家隔離，但露宿者本已無處容身。在今年2月染疫的街友成哥稱，確診時雖病情不嚴重，但已不敢回到平日棲身之處，怕傳染其他街友，只敢躺在人流較少的地方，3日之後才獲社協安排的宿舍隔離。

一直跟進露宿者情況的社協組織幹事吳衛東指，無家者染疫都會怕隔離期間失去自由，只能苦口婆心勸喻，「我哋唔係政府，無得困住佢哋」。

內地港人回流避疫淪落街頭 「一晚可能走幾次」

在內地有相對穩定工作的港人Balance在6月底回港避疫，但當時身無分文，「車錢都係人哋畀我」，返港後雖找到工作，但放工後便四處找地方安頓，「能夠棲身嘅地方都要住」，遇驅趕便要離去，「一晚可能要走幾次」。

Balance指，工作期間長時間站立，加上要拖住行李四圍走，有時又只能「坐喺度瞓」，終令雙腳勞損和腫脹，苦笑道：「終於明點解咁多露宿者唔着鞋，唔係無鞋着，係着唔到。」她續指，有時睡覺期間被人偷去財物亦不知，返港一個月內已不見身分證兩次，連手機亦被盜去，但現時連買外賣及借廁所亦有機會被要求掃安心，形容「無手機比無錢更加慘」。

吳衛東稱，政府去年9月曾試行全月開放5間臨時收容中心，但最終因「無政策」而未有延續，而街友長期露宿，長期精神緊張以至「瞓得差」均影響健康，希望當局重啟當日安排，減輕無家者負擔。

調查指逾6成露宿者有牙患 少過1成人牙齒仍齊全 無一得適切治療，詳情即睇【下一頁】。

撰文：李卓謙
責任編輯：戴維浩