里安納度再應驗「25歲過期魔咒」 網民靈機一動：同譚詠麟過人世

現年47歲嘅金像影帝里安納度狄卡比歐（Leonardo DiCaprio）靚仔又風流，出道以來交往對象高達57任，而佢仲有一個交往定律，就是對象絕對唔會超過25歲，呢個定律仲喺金像獎獎頒獎禮期間被拎嚟講笑，可以話係人盡皆知。而「現任」女友卡蜜拉（Camila Morrone）則是於2017年展開交往，當時卡蜜拉只有20歲，外界一直都好關注佢過唔過到呢個「死線」。

同場加映： 林家謙自嘲「手語式」跳舞 意外後開騷有壓力 機關人性化

{{hket:ul-video id="6428"}}{{/hket:ul-video}}

卡蜜拉亦似乎真係逃唔過里安納度嘅「25歲過期魔咒」，據外國《時人雜誌》（The People）報道，今年剛滿25歲嘅卡蜜拉，已於日前與里安納度和平分手，據知雙方拒絕透露分手原因。

{{hket:inline-image name="3.jpeg"}}{{/hket:inline-image}}

卡蜜拉同里安納度2018年公開戀情，2020年里安納度更罕有大方帶卡蜜拉一同出席奧斯卡金像獎頒獎典禮，係繼名模吉賽兒（Gisele Bundchen）後第二位有幸同佢一齊行紅地氈嘅女友。有指二人交往得相當認真，卡蜜拉不僅時常在男方家中過夜，甚至同男方家長相當熟悉。

2020年新冠疫情在全球爆發亦不減佢哋嘅愛火，二人隔離期間全天候相處都依舊相好。6月16日生日嘅卡蜜拉今年7月被影到被里安納度去馬里布度假，不過，8月初卡蜜拉與母親共赴法國，就唔見里安納度蹤影，當時已傳出二人有感情危機。「華爾街之狼」重新投入市場，下一個目標係邊位都成為大家嘅焦點。

網民熱烈討論事件，留言：「好專一嘅男人，專一只愛25歲以下。」、「佢嘅身家同名氣應該去到70歲都仲可以換畫。」、「講真佢脹咗又老咗都型過8成男人。」其中一名網民更靈機一動諗到一個令里安納度停低嘅「方法」：「譚校長（譚詠麟）可以同佢過人世。（譚詠麟自稱年年都係25歲）」留言嘅人大多數都係對里安納度充滿「敬崇」之意，非常羨慕佢呀！