成龍坐直昇機買樓裝修勁土豪 以近半億購入豪宅因乜一見鍾情？

今年5月，68歲的成龍搭直昇機於杭州用咗4,000萬人民幣（約4,745萬港元）購入4,500呎的豪宅，單位屬頂級江景房，樓高4.8米，可遠眺錢塘江。日前佢終於收樓，內地房地產公司更直擊過程。

同場加映： 林家謙自嘲「手語式」跳舞 意外後開騷有壓力 機關人性化

{{hket:ul-video id="6428"}}{{/hket:ul-video}}

成龍呢日著住粉色恤衫襯白色褲，非常風騷。內地粉絲見到巨星駕到都紛紛要求合照同握手，一向對Fans好好嘅成龍都有求必應，非常之Nice。發展商更特別為佢舉辦盛大交樓儀式，並由集團董事長親自接待，全程陪住成龍行地氈及簽名留影，請埋舞獅賀佢收樓，排場十足！

{{hket:inline-image name="4.jpeg"}}{{/hket:inline-image}}

發展商因應成龍嘅喜好，為佢單位裝修成一個「土豪式」金碧輝煌嘅單位。屋內嘅水晶燈、天花板金邊均用18K純金打造，剩係玄關就用咗36種奢石，地磚、牆面都採用大理石製作，極盡奢華。

成龍收樓當日更親自下廚招待到訪發展商工作人員，期間仲唔覺意曝光咗成龍新樓嘅內部，可見屋內每間房以金色同中國紅為主調，睇落好喜慶。除咗主人房，仲有房留畀經理人同管家，亦有衣帽間同雜物房等，自然採光都夠晒光猛，好有生氣。不過以上嘅條件都唔係吸引成龍嘅地方，據知成龍覺得呢間豪宅有直昇機停機坪，可以方便佢出入，所以一見鍾情咁話。

圖片來源：微博